लखनऊ: रक्षामन्त्री राजनाथ सिंह सोमवार बिहान आफ्नो संसदीय क्षेत्रका नागरिकहरूमाझ व्यापारी स्नेह मिलन कार्यक्रममा सामेल भए। यस अवसरमा उनले भने, देशमा व्यापार बढ़ेको छ, व्यापारी समृद्ध भएका छन् अनि आज प्रधानमन्त्रीको सोंचकै कारणले भारत ठूलो अर्थव्यवस्था भएर उदाएको छ।

बालागञ्ज क्षेत्रको देवलोक लनमा आयोजित कार्यक्रममा रक्षामन्त्री राजनाथ सिंहले व्यापारीहरूसित भने, प्रधानमन्त्री नरेन्द्र मोदीले देशका व्यापारी वर्ग, उद्यमी वर्गका लागि तमाम योजनाहरू ल्याएर उनीहरूलाई शक्ति प्रदान गरेका छन्। देशका व्यापारीहरू आफूलाई सुरक्षित ठान्छन्। देशमा प्रधानमन्त्री नरेन्द्र मोदी र उत्तर प्रदेशमा योगी आदित्यनाथको सरकारले माफियाहरूमाथि कारबाही गरेर व्यापारीहरूलाई सुरक्षा प्रदान गरेका छन्। व्यापारीसित हुने लुट, असुली जस्ता घटनाहरूलाई रोकिएको छ।

व्यापारीहरूको कार्यक्रममा इण्डिया आईटी मल पोर्टल लञ्च गरेपछि रक्षामन्त्री राजनाथ सिंहले गोमती नगरको बिजनेस स्कूल आईएमआरटीमा भाजपाका पूर्व पार्षद एवं प्रबुद्धजनहरूलाई सम्बोधन गरे। उनले भने, देशमा वर्ष २०१४ देखि यता परिवर्तन आएको छ। भारत सारा विश्वमा एउटा शक्ति भएर उदाएको छ। अन्य देशहरू सहयोग लिने भारतले अहिले अन्य देशहरूलाई सहयोग दिरहेको छ। प्रधानमन्त्री नरेन्द्र मोदीको नाम विश्वका शीर्ष नेताहरूमा दर्रिएको छ।

कार्यक्रममा रक्षामन्त्री राजनाथ सिंहसित भाजपाका महानगर अध्यक्ष आनन्द द्विवेदी,एमएलसी मुकेश शर्मा सहित तमाम भाजपा पदाधिकारी, कार्यकर्ता एवं समाजका प्रबुद्धवर्ग उपस्थित थिए।