नक्सलबारी: नक्सलबारीमा २०४ ग्राम ब्राउन सुगर सहित दुईजना युवकलाई पक्राउ गरेपछि आज सिलगढी अदालतमा पेश गर्यो। पक्रा परेकाहरूमा मोहम्मद असलम र मोहम्मद अजहर सामेल छन्। दुवै नक्सलबारीको तोतारामजोत निवासी हुन्। प्राप्त जानकारी अनुसार नक्सलबारी पुलिसले गोप्य सूचनाको आधरामा नक्सलबारीको लालपुल संलग्न इलाकामा एउटा स्कुटीलाई रोकेर छानबीन गर्दा २०४ ग्राम ब्राउन सुगर उद्धार गर्नको साथै घटनामा २ जना युवकलाई पक्राउ गरेको बताइएको छ। पुलिसले घटनाको जाँच शुरू गरेको छ।