मुम्बई: महाराष्ट्रका पूर्व मुख्यमन्त्री उद्धव ठाकरेले राष्ट्रपति द्रौपदी मुर्मुलाई पत्र लेखेका छन्l  पत्रमा उनलाई नासिकको कालाराम मन्दिरमा २२ जनवरीमा आरतीमा भाग लिन आमन्त्रित गरिएको छ। उद्धव ठाकरेले २२ जनवरीमा नासिक कालाराम मन्दिरमा आरती गर्ने बताएका छन्। उद्धव ठाकरेले भने, ‘म देशभक्त हुँ, अन्धा भक्त होइनl’ ठाकरेले राम मन्दिरमा शिव सेनाको योगदानको बारेमा पनि ठूलो बयान दिएका छन्। कारसेवक नभएको भए अयोध्यामा राम मन्दिर बन्ने थिएन। संचारमाध्यमको रिपोर्टअनुसार ठाकरेले भने, ‘जब राम मन्दिर बनेको थिएन, हामी त्यहाँ दुईपटक गयौं। म शिव जन्मभूमिको माटो लिएर अयोध्या गएको थिएँl’ उद्धव ठाकरेले अझ भने, ‘जब मन लाग्छ, म अयोध्या जान्छु। म कट्टर हिन्दु हुँ। राम मन्दिरमा शिव सेनाको योगदान सबैलाई थाहा छl २२ जनवरीमा कालाराम मन्दिरमा गएर दर्शन गर्नेछौं। यसपटक पनि कालाराम मन्दिरमा हुने कार्यक्रममा राष्ट्रपतिलाई आमन्त्रण गर्दैछौँl’ ठाकरेले भने, ‘अयोध्यामा राम मन्दिरको अभिषेक राम मूर्तिको अभिषेक मात्र होइन, राष्ट्रको अभिषेक हो। यो देशको पहिचानको जीवन र प्रतिष्ठाको उत्सव होl’ कालाराम मन्दिरमा हुने आरतीमा राष्ट्रपति पनि उपस्थित हुनुपर्ने माग गर्दै उद्धव ठाकरेले भने, ‘नासिकको कालाराम मन्दिर पनि जाँदैछौँ, कार्यक्रम गर्दैछौँ, राष्ट्रपतिलाई औपचारिक निम्तो पनि दिइरहेका छौँ। हाम्रा सांसदहरूले औपचारिक निम्तो दिनेछन्l’