मालदाः अङ्ग्रेजीबजार नगरपालिका र मालदा रामकृष्ण मिशनले आज विभिन्न कार्यक्रम मार्फत स्वामी विवेकानन्दको १६२ औँ जन्मजयन्ती मनाएका छन् । अङ्ग्रेजीबजार नगरपालिकाका अध्यक्ष कृष्णेन्दुनारायण चौधरीले शुक्रबार बिहान करिब ९ बजे रामकृष्ण मिशन रोड क्षेत्रमा रहेको स्वामी विवेकानन्दको शालिकमा श्रद्धाञ्जली अर्पण गरेका छन् । सो अवसरमा उपसभापति सुमला अग्रवाल लगायतका पार्षदहरूको उपस्थिति रहेको थियो । रामकृष्ण मिशनका प्रमुख स्वामी त्यागरूपानन्दजी महाराजलगायत अन्य महाराजा तथा जनप्रतिनिधिले स्वामीजीको प्रतिमामा माल्यार्पण गरी श्रद्धाञ्जली अर्पण गरेका थिए ।
यसपछि मालदा रामकृष्ण मिशनले शहरमा प्रभातफेरी निकालेको थियो। प्रभातफेरीमा विभिन्न विद्यालयका विद्यार्थीहरूको सहभागिता रहेको थियो । प्रभातफेरीमा विद्यार्थीहरू स्वामीजी, रामकृष्ण, शारदा देवीलगायत विभिन्न पहिरनमा सजिएका थिए । प्रभातफेरीमा सहभागी विद्यार्थीहरूले स्वामीजीको तस्वीर र शब्द लेखिएको प्लेकार्ड बोकेका थिए । नगर परिक्रमा गरी बिहान पुनः प्रभातफेरी रामकृष्ण मिशन परिसरमा समापन भएको थियो ।