सना: संयुक्त राज्य अमेरिका र उसका पाँच जना सहयोगीहरूले बिहीबार (११ जनवरी) मा यमनमा ईरान समर्थित हुथी विद्रोहीहरूको ठेगानाहरूमा हवाई हमला गऱ्यो। हवाई हमलामा हुथी विद्रोहीहरूलाई ठूलो क्षति पुगेको छ भने उनीहरूका धेरै ठेगानाहरू ध्वस्त भएका छन्। हमलापछि पश्चिम एसियामा तनाव अझ बढेको छ। द न्यूयर्क टाइम्सको रिपोर्टअनुसार, अमेरिकाले यस हमलाहरूको पुष्टि गरेको छ। रिपोर्टमा भनिएको छ, ‘अमेरिकी नेतृत्वमा हवाई अनि नौसैनिक हमला नोभेम्बरपछि लाल सागरमा वाणिज्यिक शिपिङविरूद्ध दुई दर्जनभन्दा धेरै हमलाको जवाफमा गरिएको हो। गत हप्ता बाइडेन प्रशासन र धेरै अन्तरराष्ट्रिय सहयोगीहरूले हूती विद्रोहीहरूलाई चेतावनी पनि दिएको थियोl’
द न्यूयर्क टाइम्सका अनुसार, अमेरिकी राष्ट्रपति जो बाइडेनले बिहीबार राति भने, ‘संयुक्त राज्य अमेरिका र सहयोगीहरूले आफ्ना कर्मीहरूमाथि हमलालाई सहन गर्ने छैन। साथै, संसारकै सबैभन्दा महत्वपूर्ण वाणिज्यिक मार्गहरू मध्ये एकमा हस्तक्षेप सहन गर्ने छैन। दुई हजारभन्दा धेरै जहाजहरूलाई लाल सागरमा हमलाबाट बच्न हजारौं मिलको दूरत्व तय गर्न बाध्य गरिएको छ। यसकारण धेरै हप्ताको विलम्ब भइरहेको छl’ मंगलबार अमेरिकी र ब्रिटिश युद्धपोतहरूले हूतीको ठूलो ड्रोन र मिसाइल हमलालाई रोकेको थियो। -हिस