सिलगढी: राहुल गान्धी न्याय यात्रामा पहाडमा जाने छैनन्। तर लोकसभा चुनाव अघि राहुल गान्धी वा प्रियंका गान्धी दार्जिलिङमा चुनाव प्रचार गर्न पक्कै आउनेछन्। प्रदेश कांग्रेस सचिव विनय तामाङले बुधबार पत्रकारहरूसँग सो कुरा बताएका हुन्। यस दिन, सिलगढीको एक होटलमा राहुल गान्धीको न्याय यात्राको बारेमा संगठनात्मक बैठक भयो। उक्त बैठकमा पर्यवेक्षक तथा अखिल भारतीय कांग्रेस प्रदेश सचिव वीपी सिंह, प्रदेश कांग्रेसका कार्यवाहक अध्यक्ष शंकर मालाकार, विनय तामाङ, सुजोय घटकलगायतको उपस्थिति थियो। पार्टी स्रोतका अनुसार राहुल गान्धीले २६ फेब्रुअरीमा उत्तर बंगालमा न्याय यात्रा शुरू गर्नेछन्। यात्रा असमको धुबरीबाट शुरू भएर कोचबिहार, अलिपुरद्वार हुँदै जलपाइगढी जिल्लामा प्रवेश गर्नेछ। यात्रा २७ फेरवरी मैनागढी, धुपगढी, फुलबारी पुग्नेछ, त्यसपछि राहुल गान्धीले डुङ्गा घाटमा रात्रि विश्राम गर्ने कार्यक्रम छ र भोपरा चोपडा हुँदै बागडोग्रा, नक्सलबारी, उत्तर दिनाजपुर हुँदै इस्लामपुर पुग्नेछ।