कोलकाता: पश्चिम बंगालमा राशन वितरण भ्रष्टाचार मामिलालाई लिएर उत्तर २४ परगनाको सन्देशखालीमा छापा मार्न पुगेका ईडी अधिकारीहरूमाथि हमलालाई लिएर उत्पन्न भएको विवाद अझै पनि थामिएको छैन। केन्द्रिय जाँच एजेन्सीले बंगाल पुलिसमाथि तृणमूल नेता शेख शाहजहाँलाई जोगाउने प्रयास गरिरहेको आरोप लगाएको छ। ईडीले दर्ता गराएको शिकायतको आधारमा जुन प्राथमिकी दर्ता गरिएको छ, त्यसमा कमजोर धाराहरू लगाइएको आरोप छ। गत हप्ता शुक्रबार घटनापछि शाहजहाँ बेपत्ता छन्। ईडीका एक अधिकारीले भने, ‘कोलकाता भ्रमण अवधि ईडीका निदेशक राहुल नवीनले शाहजहाँका विभिन्न ठेगाना, बंगलादेश सीमामा उसको अवैध व्यापारको बारेमा पनि सोधपुछ गरेको छl’ विपक्षको दाबीअनुसार, शाहजहाँ क्षेत्रमा छन्। ‘शाहजहाँ कहाँ छन्, मलाई थाहा छ’, शुभेन्दु अधिकारीले यस्तो दाबी गरेका छन्। उनले पुलिसलाई ज्ञात नरहेको पनि बताएका छन्। एक स्रोतका अनुसार, शाहजहाँले थाहा पाउने डरका कारण आफ्नो मोबाइल बन्द राखेका छन्। यद्यपि, आफ्नो बाइक वाहिनीको सहयोगद्वारा उनी सबैको सम्पर्कमा छन्। केही मानिसहरूले उनी अझै पनि क्षेत्रमा निडर भएर घुमिरहेको दाबी गरेका छन्। -हिस