जलपाइगढीः आयुर्वेद, योग, युनानी प्रणाली र होमियोप्याथी अर्थात् आयुष उपचार आम मानिसका लागि धेरै प्रभावकारी छन्। प्राकृतिक जडिबुटीबाट बनाइएका यी उपचारबाट धेरै जटिल रोगहरूको उपचार गर्न सकिन्छ। यही सन्देशलाई ध्यानमा राखेर राज्य सरकारको पहलमा सोमबारदेखि जलपाइगढीमा आयुष मेला शुरू भएको हो। आयुष मेलाको अवसरमा जलपाइगढी सहरमा रंगीन जुलुस निकालिएको थियो। र्‍यालीमा जिल्ला स्वास्थ्य विभागका पदाधिकारी, स्वास्थ्यकर्मी, नर्स तथा विभिन्न स्वैच्छिक संघसंस्थाका सदस्यहरूको सहभागिता रहेको थियो। जिल्ला प्रमुख स्वास्थ्य अधिकृत डा. असिम हल्दरको समेत सहभागिता रहेको थियो। यो मेला जलपाइगढी सरोजेन्द्रदेव राइकत कला केन्द्रमा शुरू भएको छ।
जलपाइगढी जिल्लाका प्रमुख स्वास्थ्य अधिकारी डा. असिम हल्दरले प्राचीन आयुर्वेद, योग र होमियोप्याथी अर्थात् आयुष उपचार आम मानिसका लागि निकै प्रभावकारी रहेको बताउनुभयो। आयुष उपचारका सामग्रीहरू पूर्णतया प्राकृतिक छन्। त्यसैले मानव शरीरमा यसको कुनै साइड इफेक्ट हुँदैन। त्यसैले आम जनताको राम्रो स्वास्थ्यका लागि आयुष उपचार पद्धतिभन्दा राम्रो विकल्प अरू केही छैन भन्ने मेरो विश्वास छ। जलपाइगढीमा सरकारले आयोजना गरेको तीनदिने आयुष मेलाको सन्दर्भमा सचेतना अभियान पनि चलिरहेको छ। जलपाइगढी सहरका मानिसहरूमा पर्चाहरू पनि बाँडिएको छ ताकि मानिसहरूले आयुष उपचारको फाइदा लिन सकून्।