ढाका: बांग्लादेश अवामी लीगकी अध्यक्ष एवं प्रधानमन्त्री शेख हसीनाले १२औं ससदीय राष्ट्रिय चुनाउमा उनको पार्टीले जित हासिल गर्ने आशा व्यक्त गरेकी छन्। उनले भनेकी छन्, जनादेश हाम्रो पक्षमा आउने छ।

समाचार पत्र ढाका ट्रिब्यून अनुसार, उनले उक्त टिप्पणी आज बिहान मतदान गरेपछि दिएकी हुन्।

पत्रकारहरूको एक प्रश्नको जवाफमा शेख हसीनाले भनिन्, बांग्लादेश नेशनलिस्ट पार्टी आतङ्कवादीहरूको पार्टी हो। यो पार्टीले कहिले पनि चुनाउमा विश्वास राख्दैन्। चुनाउमा धॉंधली र मतपत्रहरूमा हेराफेरी गर्नु यस पार्टीको चरित्र हो। अब उनीहरूले यस्तो मौका पाइरहेका छैनन्। यस कारण चुनाउ बहिष्कार गरिरहेको छ।

चुनाउको विश्वसनीयताको सम्बन्धमा सोधिएको प्रश्नको जवाफमा प्रधानमन्त्रीले भनिन्, मलाई आतङ्कवादी पार्टी समक्ष विश्वसनीयता प्रमाणित गर्नु छैन। म मानिसहरूप्रति जवाफदेही छु। मानिसहरूले यसलाई स्वीकार गर्ने छन् वा छैनन्, यो मेरो निम्ति महत्वपूर्ण छ। उनले देशवासीहरूलाई मतदान केन्द्रहरूमा गएर भोट लगाउन आग्रह गरिन्।