खोरीबारी: खोरीबारीमा चियाकमानबाट एकजना व्यक्तिको शव उद्धार भएको छ। मृतक व्यक्तिको नाम दिलीप राय (३९) बताइएको छ। तिनी खोरीबारीको पाहाडीभिटा निवासी थिए। प्राप्त जानकारी अनुसार खोरीबारीको वनवासी कल्याण आश्रम नजिक एउटा गैर सरकारी चियानकमानबाट उक्त व्यक्तिको शव उद्धार भएको छ। गत केही दिनदेखि तिनी पारिवारिक समस्यामा थिए भने हिजोदेखि तिनी निखोज थिए। यसपछि आज साँझ चियाकमानका श्रमिकहरूले व्यक्तिको शव देखेपछि घटनाबारे पुलिसलाई खबर दिए। घटनाको खबर पाएर खोरीबारी थाना पुलिस घटनास्थलमा पुगेर शव उद्धार गरेपछि भोलि आइतबार पोस्टमार्टमको लागि उत्तरबंग मेडिकल कलेज एवम् अस्पतालमा पठाउने बताइएको छ। उक्त घटनाले इलाकामा शोकको लहर छाएको छ।