यदि हामीले मानव संसारको इतिहास हेर्‍यौं भने, यसले अन्तरिक्षको उचाइ पनि नाप्यो समुद्रको गहिराइ पनि पत्ता लगायो। मानवको जिज्ञासाले संसारका धेरै रहस्यहरू खोल्यो। मानवले समुद्रको बीचमा विमानस्थल बनाएर पनि यस्तै काम गरेको छ। अब झण्डै ३० वर्षपछि बिस्तारै यो विमानस्थललाई समुन्द्रले आफ्नो कब्जामा लिइरहेको छ। जापानको कान्साई अन्तर्राष्ट्रिय विमानस्थल सन् १९९४ मा सञ्चालनमा आएको हो। यो ओसाका र जापानका अन्य नजिकका शहरहरूमा उपयोगी छ। अहिले यो विमानस्थल निरन्तर डुब्ने क्रममा छ। सन् २०१८ को अध्ययनअनुसार यो विमानस्थल अहिलेसम्म करिब ४० फिट डुबेको छ। यो अपेक्षित भन्दा २५% बढी हो। सन् २०५६ सम्ममा अझै १३ फिट डुब्ने सम्भावना छ। त्यसपछि समुद्रको पानी यहाँ सतहमा आउनेछ।

सन् १९८७ मा शुरु भएको यस विमानस्थलको निर्माण कार्य सम्पन्न हुन सात वर्ष लागेको थियो। आज पनि यसले हरेक वर्ष २.५ करोड यात्रुहरूलाई सेवा दिन्छ। यसलाई निर्माण गर्न १.६६ लाख करोड रुपियाँ खर्च भएको छ। यसको रनवे चार हजार मिटरभन्दा लामो छ, जसले यसलाई विश्वको सबैभन्दा लामो र ठूलो विमानस्थल बनाउँछ। मुख्य शहरबाट टाढा रहेको यो विमानस्थलको सबैभन्दा ठूलो फाइदा यो २४ घण्टा आरामसँग सञ्चालन गर्न सकिने हो। यसले जापानका ओसाका, क्योटो र कोबे जस्ता ठूला शहरहरूलाई विश्वसँग जोड्दछ। यसले अल निप्पोन एयरवेज, जापान एयरलाइन्स र निप्पोन कार्गो एयरलाइन्सको लागि आधार स्टेशनको रूपमा पनि काम गर्दछ। ओसाकाको पुरानो विमानस्थलमा भीडभाड हुन थालेपछि यो विमानस्थल निर्माण गर्ने मूल आइडिया आयो। यो विमानस्थल बनाउन समुन्द्रमा सि बेड बनाइएको थियो। यति मात्रै होइन, यस समुद्री तटलाई डुब्नबाट जोगाउन यसको वरिपरि समुद्री सुरक्षा पर्खाल बनाइएको थियो। अहिले विमानस्थलको तौल र त्यसमा बनेको टर्मिनल भवनका कारण यो सामुद्रिक तह डुब्न थालेपछि विमानस्थल डुब्न थालेको छ।