जसप्रित बुमराह र मोहम्मद सिराजको घातक बलिङका कारण भारतले केप टाउनमा शानदार जित हासिल गरेको छ। दक्षिण अफ्रिकालाई ७ विकेटले पराजित गर्दै सिरिज १–१ को बराबरीमा रोकेको हो। टीम इन्डियाका लागि सिराजले पहिलो इनिङ्समा ६ विकेट लिए भने बुमराहले दोस्रो इनिङ्समा जिम्मेवारी लिएका थिए। उनले दक्षिण अफ्रिकी ब्याट्सम्यानलाई टिक्न दिएनन्। भारतका लागि १० वर्षपछि टेस्टमा दुई टोलीका फास्ट बलरले विदेशी मैदानमा ६–६ विकेट लिएपछि यस्तो भएको हो।

भारतका लागि, यसअघि एक पटक मात्र दुई फास्ट बलरले विदेशी भूमिमा टेस्टमा ६ वा सोभन्दा बढी विकेट लिएका थिए। सन् २०१४ मा इंग्ल्याण्डविरुद्ध लर्ड्समा भुवनेश्वर कुमारले पहिलो इनिङ्समा ६ विकेट र इशान्त शर्माले दोस्रो इनिङ्समा ७ विकेट लिएका थिए। उक्त खेल टीम इन्डियाले ९५ रनले जितेको थियो।

बुमराहले श्रीनाथको बराबरी गरे
जसप्रित बुमराहले दक्षिण अफ्रिकामा तेस्रो पटक एक इनिङमा पाँच वा बढी विकेट लिएका छन्। यस मामिलामा उनले जवागल श्रीनाथको बराबरी गरे। यस बाहेक उनी दक्षिण अफ्रिकामा भारतका लागि तेस्रो सर्वाधिक विकेट लिने खेलाडी बने। उनले ३८ विकेट लिए। अनिल कुम्बलेले ४५ र श्रीनाथले ४३ विकेट लिएका छन्।

सिराज र बुमराहले यसरी ध्वस्त पारे
सिराजले पहिलो इनिङ्समा १५ रन दिएर ६ विकेट लिएका थिए। उनको किलर बलिङको अगाडि दक्षिण अफ्रिकी टोली ५५ रनमा मात्रै अलआउट भयो। सिराजले एडेन मार्कराम, डीन एल्गर, टोनी डी जर्जी, डेभिड बेडिङहम, काइल भेरेन र मार्को जान्सेनलाई आउट गरेका थिए। उनले दक्षिण अफ्रिकाका शीर्ष सात ब्याट्सम्यानमध्ये ६ आउट गरेका थिए। योसँगै बुमराहले दोस्रो इनिङ्समा ६१ रन दिएर ६ विकेट लिएका थिए। उनले दक्षिण अफ्रिकाको मध्य र तल्लो क्रमलाई ध्वस्त पारे। बुमराहले ट्रिस्टन स्टब्स, बेडिङहम, भेरेन, जेन्सेन, केशव महाराज र लुंगी एनगिडीलाई आउट गरेका थिए।

के भयो खेलमा?
दक्षिण अफ्रिकाका कप्तान डीन एल्गरले टस जितेर पहिले ब्याटिङ गर्ने निर्णय गरेका थिए। उनको निर्णय गलत साबित भयो। पहिलो इनिङ्समा दक्षिण अफ्रिकी टोली ५५ रनमा मात्र सिमित भएको थियो। त्यसपछि भारत १५३ रनमा अलआउट भयो। खेलको पहिलो दिन नै दुवै टोलीको पहिलो इनिङ्स सकिएको थियो। खेलको दोस्रो दिन आयोजकले दोस्रो इनिङ्समा १७३ रन बनाएको थियो। यसरी भारतलाई ७९ रनको लक्ष्य प्राप्त भयो। उनले तीन विकेट गुमाएर यो उपलब्धि हासिल गरेका हुन्।