अलिपुरद्वारः आज पश्चिम बंगालकी मुख्यमन्त्री ममता ब्यानर्जीको ६९ औं जन्मदिन हो। तृणमूल कांग्रेसले यस दिनलाई सम्पूर्ण राज्यमा हर्षोल्लासका साथ मनाउँदै छ। यसै सिलसिलामा शुक्रबार तृणमूल कार्यकर्ता र नेताहरूले कालचिनी ब्लकका विभिन्न क्षेत्रमा विभिन्न कार्यक्रम गरेर मुख्यमन्त्री ममता ब्यानर्जीको जन्मदिन मनाए। हाँसीमारा लगायत विभिन्न क्षेत्रका तृणमूल कार्यकर्ता र नेताहरू मन्दिर पुगेका थिए र मुख्यमन्त्रीको जन्मदिनमा पूजाको आयोजना गरिएको थियो। साथै बाटो हिँड्नेहरूलाई मिठाई खुवाइएको थियो। मुख्यमन्त्रीको जन्मदिन हाँसीमारा क्षेत्रमा सतली ग्राम पञ्चायतका अध्यक्ष कमलादेवी शाह, तृणमूल क्षेत्र अध्यक्ष कैलाश विश्वकर्मालगायत नेता तथा कार्यकर्ताको उपस्थितिमा मनाइएको थियो।
उल्लेखनीय छ कि तृणमूल कांग्रेस प्रमुखलाई उनका फ्यानहरूले ‘दीदी’ (जेठी बहिनी) र ‘बंगालको सिंही’ भनेर सम्बोधन गर्छन्। ममता ब्यानर्जीको जन्म ५ जनवरी १९५५ मा कोलकातामा बंगाली हिन्दू ब्राह्मण परिवारमा भएको थियो। १५ वर्षको उमेरमा उनी राजनीतिक रूपमा सक्रिय भइन्। उनले १९७० को दशकमा भारतीय राष्ट्रिय कांग्रेसबाट आफ्नो राजनीतिक पारी शुरु गरेकी थिइन् र पछि आफ्नो पार्टीलाई आफ्नै बाटोमा लैजानका लागि अलग भइन्।