जलपाइगढीः जलपाइगढीको बेलाकोबामा रिसाइकिलिंग परियोजनालाई लिएर स्थानीय मानिसहरू आक्रोशित छन्। प्रदुषणको डरले यो आयोजना बन्द गर्न स्थानीयले माग गरेका छन्। माग सम्बोधन नभए चर्को आन्दोलन गर्ने गाउँलेहरूले चेतावनी दिएका छन्।
जलपाइगढी जिल्लाको बेलाकोबा नजिकैको कालुआबारी क्षेत्रमा रिसाइकल परियोजनाको काम शुरू भएको बताइएको छ। यो आयोजनाले करिब १० बिघा जग्गा ओगटेको छ। यसका लागि सीमाङ्कनको काम पनि सुरु भएको छ। तर गाउँलेहरूको गुनासोलाई जानकारी नगरी यो काम शुरू गरिएको हो। यो आयोजना पूर्णरुपमा कार्यान्वयन भएमा वरपरका पाँच–छ गाउँ, धेरै सरकारी विद्यालय, कलेज र बेलाकोवा सहरी क्षेत्र प्रदूषणको चपेटामा पर्न सक्ने गाउँले डराउँछन्। दुर्गन्धका कारण रोग सर्ने डर छ भने कृषिमा पनि नोक्सान हुने सम्भावना छ। त्यसैले यो आयोजना तत्काल बन्द गर्न स्थानीयले माग गरेका छन्।
तर, प्रशासनका तर्फबाट भने यसबारे खुलेर केही बोलेको छैन। सम्बन्धित ग्राम पञ्चायतका प्रमुख पपिया सरकारका अनुसार यो प्रोजेक्टरको बारेमा आफूलाई केही थाहा छैन। तर, जनताले जे चाहन्छन्, त्यसको पक्षमा हुने उनले बताए। तर प्रश्न उठ्छ कि यति ठुलो काम भैरहेको छ तर साँच्चै प्रमुखलाई थाहा छैन कि अरु केहि छ।