जलपाइगढीः अवैध रुपमा टोटो बनाउनेलाई प्रदेश सरकारले कारबाही गरिरहेको छ । प्रदेश सरकारले अवैध रुपमा टोटो सवारी साधन बनाउनेलाई कानुनी कारबाही गर्न र कारखानामा ताला लगाउन निर्देशन दिएको छ । यो जानकारी यातायात मन्त्री स्नेहाशिष चक्रवर्तीले बिहीबार दिएका हुन् । उनले जलपाइगढीमा उत्तर बंगालका विभिन्न जिल्लाका यातायात विभागका अधिकारीहरूसँग बैठक गरे।
टोटो चालकलाई कडा कारबाही गर्न प्रदेशका नगरपालिकाका पदाधिकारीलाई निर्देशन दिइएको उनले बताए । अवैध रुपमा सवारी चलाउनेलाई कारबाही गर्न पुलिस प्रशासन र जिल्ला यातायात विभागका अधिकारीलाई निर्देशन दिइएको उनले टोटो किन्ने र चलाउने अधिकांश गरिब जनता रहेको बताए । त्यसैले टोटो सञ्चालन रोक्न सरकारको कुनै विचार छैन। बरु, टोटो चालकहरूमा अनुशासन लागू गर्न राज्य नगरपालिकाहरूलाई कडा निर्देशन दिइएको छ।