रुस र युक्रेनबीच पछिल्लो २३ महिनादेखि युद्ध चलिरहेको छ। अहिलेसम्म दुवै देशले धेरै गुमाएका छन्। युद्धमा दुवै देशका सैनिकको ठूलो संख्यामा ज्यान गएको छ। युद्धमा सर्वसाधारणले पनि ज्यान गुमाएका छन्। यति हुँदाहुँदै पनि यो युद्ध रोकिएको छैन। धेरै देशहरूले प्रयास गरे, तर रूस-युक्रेन युद्ध कसैले रोक्न सकेन। अहिले पनि यो युद्धको अन्त्य हुनसकेको छैन। तर यसबीचमा संयुक्त अरब इमिरेट्स (युएई)ले अहिलेसम्म कुनै पनि देशले गर्न नसकेको काम गरेको छ। युएईले रुस र युक्रेनबीच महत्वपूर्ण सम्झौतामा हस्ताक्षर गरेको छ। सो सम्झौताअनुसार लामो समयपछि दुवै देशका सयौं सैनिक स्वदेश फर्किएका छन्। यो सम्झौता हुनुको कारण यस्तो छl
रुस र युक्रेनले बुधबार संयुक्त अरब इमिरेट्सको मध्यस्थतामा एउटा सम्झौतामा हस्ताक्षर गरेका छन्। यस सम्झौता अन्तर्गत सयौं युद्धबन्दीको आदानप्रदान भएको थियो। युक्रेनी अधिकारीहरूले युएईको मध्यस्थतामा भएको ऐतिहासिक सम्झौतापछि रुसबाट २३० युक्रेनी युद्धबन्दी स्वदेश फर्किएको बताएका छन्। रुसको रक्षा मन्त्रालयले युक्रेनको बन्दीबाट २४८ रुसी सैनिक मुक्त गरिएको जनाएको छ। संयुक्त अरब इमिरेट्सको मध्यस्थतामा यो सम्झौता सम्भव भएको मन्त्रालयले जनाएको छ। स्वदेश फर्किएका सैनिक र उनीहरुका परिवारले पनि युएईलाई धन्यवाद दिएका छन्। जेलेन्स्कीसँग अहिले हतियारको ठूलो अभाव छ। जेलेन्स्कीको सेनाले रुसलाई अमेरिका लगायत नाटो देशहरूले सहयोग गरिरहँदा मात्रै त्यसको सामना गर्नसक्छ। अहिले अमेरिका मात्र सहयोगी बनेको छ। अमेरिकाले अन्तिम रक्षा सहयोग पनि दिएको छ। यससँगै जेलेन्स्कीको सेना रुसको अगाडि केही दिन उभिन सक्नेछ। तर अहिले युक्रेनले अन्य देशबाट सहयोग लिन बन्द गरेको छ। जसका कारण रुस युद्धमा निरन्तर हावी भइरहेको छ।