कोलकाताः कोलकाताको विख्यात जादवपुर विश्वविद्यालय (जेयू) मा छात्रहरू र शिक्षकहरूको एक वर्गले यदि कुलपतिको नियुक्तिलाई लिएर जारी गतिरोध छिट्टै समाप्त भएन भने आन्दोलन गरिने चेताउनी दिएको छ। पश्चिम बंगालका राज्यपाल सीवी आनन्द बोसले विश्वविद्यालयको वार्षिक दीक्षान्त समारोहभन्दा एक दिनअघि २३ दिसम्बरमा प्रोफेसर बुद्धदेव सावलाई कार्यवाहक कुलपतिको पदबाट हटाएका थिए, तबदेखि अनिश्चितताको स्थिति बनेको छ।

जेयूका एक अधिकारीले भने, राज्यको उच्च शिक्षा विभागले सावलाई दीक्षान्त समारोहको मेजबानी गर्ने अनुमति दिएको थियो। तर शीतकालीन अवकाशपछि मंगलवार विश्वविद्यालय पुनः खोलिन्दा उनी कार्यालय आएनन्। गणितका प्रोफेसर सावले यद्यपि छात्रहरू र शिक्षकहरूसित कुरा गरे। यस मामिलामा गतिरोधको कारण प्रशासनिक र अकादमिक कामकाजमा अवरोधमा रोष व्यक्त गर्दै जादवपुर विश्वविद्यालय शिक्षक संघ र छात्र संगठन एसएफआईले छिट्टै मामिलाको समाधान ननिकालिए आन्दोलन शुरू गर्ने चेताउनी दिएको छ।

-हिस