कोचबिहारः हिट एण्ड रन यातायात कानूनको बिरूद्ध कोचबिहार जिल्ला निजी चालक संघले आज विरोध प्रदर्शन गरेको छ।
तृणमूल कांग्रेसको मजदुर युनियनद्वारा सञ्चालित यो संगठनले कोचबिहारको माँ भवानी चौपाथीमा टायर बालेर र सडक अवरुद्ध गरेर विरोध प्रदर्शन गरेको थियो। चालक युनियनमा आवद्ध साना तथा ठूला सवारी साधनका चालकले यो नयाँ कानुनलाई कालो कानुन भन्दै नाराबाजी गरेका छन् । वास्तवमा केन्द्र सरकारले हिट एन्ड रन मुद्दामा १० वर्ष कैद र ७ लाख जरिवानाको व्यवस्था गरेको छ, त्यसको विरोधमा धेरै चालक सडकमा उत्रिएका छन् ।

सवारी चालकहरूले यो कानुन फिर्ता लिन सरकारसँग माग गरेका छन् । नयाँ कानुनअनुसार गलत वा लापरबाही गरेर सवारी चलाउँदा मृत्यु भएमा र चालक पुलिसलाई खबर नगरी घटनास्थलबाट फरार भएमा १० वर्षसम्म कैद सजाय हुने व्यवस्था छ । यसबाहेक ७ लाख रुपियाँसम्म जरिवाना पनि हुनसक्छ ।