कोलकाता: स्टेट अफ इण्डिया गेमिङ रिपोर्ट २०२२ अनुसार, भारतीय ईस्पोर्ट्स उद्योग २०२७ सम्ममा १४० मिलियन डलर पुग्ने अनुमान गरिएको छ। यस बढ्दो उपभोक्ता वर्गको अवसरहरू ट्याप गर्न भोडाफोनआईडिया (भीआई)ले भारतमा ईस्पोर्ट्स ईकोसिस्टमलाई प्रवर्द्धन गर्न पेरिस-आधारित टीम भाइटलिटीसँग दीर्घकालीन साझेदारीको घोषणा गरेको वक प्रेस विज्ञप्तिमा बताएको छ। भोडाफोन-आईडिया भारतको अग्रणी टेलिकम कम्पनी साथै भाइटलिटी एक अन्तर्राष्ट्रिय रूपमा स्थापित ईस्पोर्ट्स संस्था रहेको विज्ञप्तिमा बताइएको छ।

भीआईले ग्राहकहरूलाई  ईस्पोर्ट्समा भाग लिन र केही लोकप्रिय टीम भाइटलिटी टूर्नामेन्ट र टोलीहरूमा विशेष पहुँच प्राप्त गर्न अनुमति दिने बताइएको छ। विज्ञप्तिका अनुसार दुई बीचको यो साझेदारीले देशभरका उदीयमान ई-खेल प्रतिभाहरूलाई व्यावसायिक खेलाडीहरू, मास्टर क्लासहरू, ई-खेलकुद प्रतिभाहरूसँग भेट-अभिवादन र अन्य धेरै अवसरहरू प्रदान गर्नेछ।

साझेदारीको बारेमा भीआईका सीएमओ अवनीश खोस्लाले भने, ‘गेमिङ सधैं हाम्रो रणनीतिक फोकस क्षेत्र भएको छ र हामीले सही साझेदारी र सान्दर्भिक प्रस्तावहरूका साथ हाम्रो गेमिङ पोर्टफोलियोलाई सुदृढ गर्न निरन्तर प्रयास गरेका छौं। विगतका केही वर्षहरूमा विशेष गरी युवा दर्शकहरूसँग ई स्पोर्ट्सले मोबाइल गेमिङ क्षेत्रमा क्रान्तिकारी परिवर्तन गरेको छ। तसर्थ, यस क्षेत्रमा हाम्रो फोकसलाई अझ गहिरो बनाउनु भीआई गेम्सको लागि एक स्वाभाविक कदम होl’ यस अवसरमा बोल्दै, टीम भाइटलिटीका प्रबन्ध निर्देशक रान्डल फर्नान्डेजले भने, हामी भीआईसँग हाम्रो साझेदारी घोषणा गर्न पाउँदा उत्साहित छौं। हामी एउटा क्रसरोडमा छौं जहाँ प्रविधिले गेमिङलाई अर्को तहमा लैजानेछ र हामी हाम्रो संयुक्त यात्रा शुरु गर्न तत्पर छौंl’