गान्तोक: सिक्किमका राज्यपाल लक्ष्मण प्रसाद आचार्यले नाम्ची जिल्लाको तिमी चिया बगानका कर्मचारीहरूसँग रमाइलो पल साझा गरे। साथमा प्रथम महिला श्रीमती कुमुद देवीले नव वर्षको उपलक्ष्यमा सुख, शान्ति र सुस्वास्थ्यको मंगलमय शुभकामना व्यक्त गर्दै कर्मचारी परिवारको सु-स्वास्थ्य बारे जानकारी लिए। चिया बगान टोलीको कडा परिश्रम र समर्पणको प्रशंसा गर्दै राज्यपालले चियाको प्रतिष्ठा राज्यभित्र मात्रै नभई राष्ट्रिय तथा अन्तर्राष्ट्रिय स्तरमा पनि उचाइमा महत्वपूर्ण भूमिका खेलेको उल्लेख गरे। उनले उनीहरुको सामूहिक प्रयासप्रति कृतज्ञता व्यक्त गर्दै आगामी दिनमा तिमी चिया बगानको निरन्तर सफलताको शुभकामना व्यक्त गरे।