सिलगढी: दार्जिलिङ पुलिसले ठूलो सफलता हात पारेको छ। पुलिसले चोरीका ११ वटा मोटरसाइकल र स्कुटर बरामद गरेको छ। यस घटनामा दुई जना पक्राउ परेका छन्।
दार्जिलिङका पुलिस उपरीक्षक प्रवीण प्रकाशले आइतबार दिउँसो गाडीधुरा थानामा पत्रकार सम्मेलन गरी सो जानकारी दिएका हुन्। सञ्चारमाध्यमलाई सम्बोधन गर्दै उनले केही महिनादेखि खरसाङ, मिरिक र दार्जिलिङका विभिन्न थानामा स्कुटर र मोटरसाइकल चोरीको उजुरी परेको बताए। यस्ता १४ वटा उजुरी परेपछि घटनाको अनुसन्धान गर्न पुलिस उपरीक्षकको निर्देशनमा दुई पलिस अधिकृतको विशेष अनुसन्धान टोली गठन गरिएको थियो। केही दिनअघि खरसाङ क्षेत्रमा स्कुटर चोरी गरेको आरोपमा असिम भौमिक नामका व्यक्ति पक्राउ परेका थिए। उनीसँग सोधपुछ गरेपछि, पुलिसले विभिन्न ठाउँबाट कुल १४ वटा बाइक र स्कुटीहरू चोरेको र कुचबिहारमा फेला पारेको बताए। मोमिरुल मिया नामका व्यक्तिलाई बेचेका थिए। यसपछि पुलिस टोली कुचबिहार गएर मोमिरुललाई पक्राउ गरी चोरीका ११ वटा बाइक र स्कुटर बरामद गरेको थियो। बाँकी तीन स्कुटर पनि छिट्टै बरामद हुने पुलिसको अपेक्षा छ।
बाँकी मोटरसाइकल र स्कुटर छिट्टै बरामद गरिने पुलिस उपरीक्षकले जानकारी दिए। पक्राउ परेका दुबै जना कुचबिहारका बासिन्दा हुन्। पुलिसले सम्पूर्ण विषयमा अनुसन्धान गरिरहेको छ।