नयाँ दिल्ली: प्रधानमन्त्री नरेन्द्र मोदीले हिजो अयोध्यामा महर्षि वाल्मिकी विमानस्थल, नयाँ रेल र रेलवे स्टेशन अनि अन्य धेरै विकास परियोजनाहरूको उद्घाटन गरे। यस क्रममा उनले जनतालाई २२ जनवरीमा अयोध्या नआउन आग्रह गरे। ‘५५० वर्षभन्दा बढी पर्खनुभयो, केही समय पर्खनुहोस्’, उनले भने। उनले भने, ‘सबैको चाहना छ, २२ जनवरीमा हुने कार्यक्रममा सहभागी हुन सबैले आफै अयोध्या आउन चाहन्छन्, तर सबैजना आउन सम्भव छैन, त्यसैले म सबै रामभक्तहरूलाई २२ जनवरीमा कार्यक्रम गरिसकेपछि अयोध्या आउन अनुरोध गर्दछुl’

प्रधानमन्त्री मोदीले भने, ‘यो भव्य कार्यक्रमको तयारी वर्षौंदेखि भइरहेको छ, र यसमा कुनै अवरोध आउनु हुँदैन। यहाँ भीड नगर्नुहोस्, किनकि मन्दिर कतै जाँदैन। यो शताब्दीयौंसम्म रहनेछl’ कार्यक्रममा केही व्यक्तिलाई मात्रै बोलाइएको प्रधानमन्त्रीले बताए। प्रधानमन्त्री नरेन्द्र मोदीले पनि राम मन्दिर प्राणप्रतिष्ठाको अवसरमा घर-घरमा श्रीराम ज्योति प्रज्वलन गर्न जनतालाई अपिल गरेका छन्। उनले भने, ‘यो ऐतिहासिक क्षण सौभाग्यवश हामी सबैको जीवनमा आएको छ, यस अवसरमा सम्पूर्ण १४० करोड देशबासीले २२ जनवरीमा घर-घरमा श्रीराम ज्योति बालेर दिपावली मनाउनुपर्छl’ यस क्रममा प्रधानमन्त्री मोदीले अयोध्याका जनतालाई शहर सफा गर्न आग्रह गरे।