सिलगढीः जनजाति सेन्जेल अभियानले आज भारत बन्दको आह्वान गरेको छ र यस अन्तर्गत पूरै राज्यका साथै खरीबारीमा आदिवासी संगठनहरूले विरोध प्रदर्शन गरेका छन्। सरना धर्म संहिताको माग गर्दै आदिवासी सेन्जेल अभियानअन्तर्गत खरिबारीको पीडब्लुडी जंक्शनमा राष्ट्रिय राजमार्ग नं ३२७ अवरुद्ध गरिएको हो। सडक अवरुद्ध गर्दै ‘न धर्म, न भोट’को नारा लगाइएको थियो। खरिबारी पीडब्ल्युडी जंक्शनमा बन्दका कारण सडक जाम। स्थितिलाई नियन्त्रणमा लिन जिल्ला पुलिस कार्यालयका सिआइ–एसडीपीओसहित खरिबारी थानाको ठूलो संख्यामा पुलिस टोली घटनास्थलमा पुगेको छ। सडक अवरुद्ध हुँदा ट्राफिक जामको अवस्था सिर्जना भएको छ। जिल्ला अध्यक्ष रेणुका मर्दीले यो बन्द सरन धर्म संहिताको मागलाई लिएर भएको बताइन्। यस मागका सम्बन्धमा प्रधानमन्त्री र राष्ट्रपतिलाई यसअघि नै निवेदन दिइसकेको छ। सरना संहिताको मागबाट आदिवासी वञ्चित छन्, हाम्रा मागहरू स्वीकार नभए आन्दोलन जारी रहनेछ।