विश्वकै धनी महिला फ्रान्सकी फ्रान्कोइस बेटेनकोट मायजले अर्को उपलब्धि हासिल गरेकी छिन्। उनको कुल सम्पत्ति १०० अर्ब डलर पुगेको छ। मायज यो उपलब्धि हासिल गर्ने विश्वकै पहिलो महिला हुन्। उनी मुकेश अम्बानीभन्दा एक स्थान माथि विश्वका धनी व्यक्तिको सूचीमा १२औं स्थानमा छिन्। मायज विश्वको सबैभन्दा ठूलो कस्मेटिक कम्पनी एल’ओरेलको होल्डिङ कम्पनी टेथिसका अध्यक्ष र एल’ओरेल समूहको बोर्ड अफ डाइरेक्टरको उपाध्यक्ष हुन्। गत वर्ष एल’ओरेलको बिक्री ४२ बिलियन डलर थियो। यो वर्ष, एल’ओरेलको शेयर ३४ प्रतिशतको वृद्धि सँग कीर्तिमान उच्च पुगेको छ।

मायज र उनको परिवारको लोरियलमा ३४ प्रतिशतभन्दा बढी हिस्सेदारी छ। विश्वकै धनी महिला हुनुका साथै मायाज समाजसेवी र लेखिका पनि हुन्। उनले संसारको सबैभन्दा प्रसिद्ध र सबैभन्दा ठूलो कस्मेटिक्स ब्रान्ड एल’ओरेल विरासतमा प्राप्त गरेकी छिन्। एल’ओरेलले लेन्कम र गार्नियर जस्ता धेरै प्रख्यात ब्रान्डहरूको स्वामित्व राख्छ। गत वर्ष अर्थात २०२२ मा कम्पनीको राजस्व ४१.९ बिलियन डलर थियो। ब्लूमबर्ग बिलियनेर्स इन्डेक्सका अनुसार ७० वर्षीय मायजको कुल सम्पत्ति १०० अर्ब डलर छ, र उनी विश्वका धनी व्यक्तिको सूचीमा १२औं स्थानमा छिन्। यो वर्ष उनको कुल सम्पत्ति २८.६ बिलियन डलरले बढेको छ। मायज धेरै पटक विश्वका धनी व्यक्तिको शीर्ष १० मा परेकी छिन्, तर पहिलो पटक उनको कुल सम्पत्ति १०० अर्ब डलर पुगेको छ।