कोलकाताः हावड़ामा क्रिसमस कार्निवल बन्द गराउनुलाई लिएर मुख्यमन्त्री ममता ब्यानर्जीको कड़ा रबैयापछि अन्ततः दुई जनालाई पक्राउ गरिएको छ। यिनीहरूलाई बिहिवार राति पुलिसले पक्राउ गरेको छ। शुक्रवार हावड़ा पुलिस कमिश्नरेटबाट यसबारे जानकारी दिइएको छ। हंगामा र उपद्रव गरेको आरोपमा हावड़ाको जगछा थाना पुलिसले यिनीहरूलाई पक्राउ गरेको छ। पक्रा पर्नेहरूको पहिचान राज जालान र आकाश दत्ताको रूपमा गरिएको छ। पुलिस सूत्रहरू अनुसार, अन्य धेरैमाथि पनि उपद्रव गरेको आरोप छ। उनीहरूलाई खोज्नु जारी छ।

कार्निवलमा अवैध पार्किङ शुल्कको आरोपमा बुधवार राति हंगामा भएको थियो। जब हावड़ा नगरनिगमको चेयरपर्सन सुजोय चक्रवर्तीको निजी सहायक सौरभ दत्ता मामिलालाई सुल्झाउन पुग्दा शिवपुरका तृणमूल विधायक र राज्यका मन्त्री मनोज तिवारीका ४०-५० सहयोगीहरूले कथित रूपमा उनलाई कुटे। पछि जब चेयरपर्सनले प्रेस कन्फ्रेन्स गर्दा विधायकको समर्थक बलपूर्वक भित्र पसे औं बैठकमा बाधा पुऱ्याए। यसपछि चेयरपर्सनले सुरक्षा कारणहरूले कार्निवललाई बन्द गराए। पूरा घटना मुख्यमन्त्री ममता ब्यानर्जीको कानमा पुऱ्यो। बिहिवार डुमुरजला हेलीप्याडदेखि चकलाको निम्ति निस्किनुअघि मुख्यमन्त्रीले कार्निवल रद्द हुँदा रोष व्यक्त गरिन्। उनले भनिन्, म यस्ता घटनाहरूको समर्थन गर्दिन। यो एकदमै सही होइन। पुलिसले कानूनी कारबाही गर्नेछ। मैले मन्त्री अरूप विश्वासलाई कार्निवाललाई फेरि शुरू गर्न सबै दलहरूको साथ बैठक गर्ने निर्देश दिएकी छु। यस आदेशपछि हावड़ा सिटी पुलिसका अधिकारी भारी संख्यामा पुलिस बल र ऱ्याफको साथ कार्निवल स्थलमा पुगे।

यसपछि दिउँसो लगभग साढ़े तीन बजी मन्त्री अरूप विश्वास त्यहाँ आए। मनोज पनि भारी समर्थकहरूको साथ नजर आए। कार्यक्रम स्थलमा प्रवेश गर्नसाथ विधायकको पहिले चेयरपर्सनसित तीखो बहस भय़ो र यसपछि जब अरूप विश्वास त्यहाँ पुगे तब उनको स्वागतको समय मनोजले कथित रूपमा चेयरपर्सनलाई धकेले। यद्यपि, अरूपको मध्यस्थताले विवाद अस्थायी रूपमा रोकियो। खेल मन्त्रीले भने, पुलिसले उक्त पार्किङ क्षेत्र हेर्नेछ, जहाँबाट हल्ला शुरू भएको थियो। अब यस मामिलामा गिरफ्तारी भएको छ।

-हिस