बंगाल सरकारले ओबीसीलाई भेदभाव गर्छ: निशिथ प्रामानिक

कोचबिहारः हिजो बिहीबारदेखि शुरु भएको भारतीय जनता ओबीसी मोर्चाको धरना मञ्च कार्यक्रममा केन्द्रीय गृह राज्यमन्त्री निशिथ प्रामाणिक सहभागी भएका छन्। भारतीय जनता ओबीसी मोर्चाका सदस्यहरू कोचबिहारको सागर दिघी नजिकै खुदिरामको प्रतिमामुनि विरोधमा बसेका छन्। ओबीसी मोर्चाका अनुसार १९८० मा मण्डल आयोगको सिफारिस अनुसार विभिन्न राज्यहरूमा ओबीसीहरूलाई २७ प्रतिशत आरक्षण दिइन्छ, तर पश्चिम बंगालमा १७ प्रतिशत आरक्षण दिइन्छ। मुख्यतया २७ प्रतिशत आरक्षणको माग र ओबीसी सर्टिफिकेट बनाउने प्रक्रियालाई सरल बनाउन र निर्वाचनमा ओबीसीहरूलाई आरक्षण दिनको लागि विरोध प्रदर्शन गरिएको थियो। आन्दोलनमा सामेल हुँदै गृह राज्यमन्त्री प्रामानिकले भने कि पश्चिम बंगालका ओबीसी दाजुभाइ दिदीबहिनीहरूले ओबीसी प्रमाणपत्र बनाउन धेरै अवरोधहरू सामना गरिरहेका छन्। पश्चिम बंगाल सरकारको हृदयमा ओबीसी र एसीहरूप्रति घृणा देखिन्छ। पश्चिम बङ्गाल सरकारले ओबीसी दाजुभाइ दिदीबहिनीहरूसँग धेरै कडा व्यवहार गरिरहेको छ। जुन अन्य राज्यमा देखिँदैन।