अयोध्या: अयोध्यामा राम मन्दिर प्राण प्रतिष्ठा कार्यक्रमको तयारी युद्धस्तरमा भइरहेको छ। राम मन्दिरको उद्घाटनलाई लिएर विश्वभरका राम भक्तहरूमा उत्साह छ। यसैबीच राम मन्दिरको अभिषेकसँग जोडिएको विशेष अघि आएको छ। स्रोतका अनुसार अभिषेकको समयमा गर्भगृहमा पाँचजनाको उपस्थिति रहनेछ। गर्भगृहमा प्रधानमन्त्री मोदी, मुख्यमन्त्री योगी आदित्यनाथको उपस्थिति रहनेछ। यसबाहेक संघ प्रमुख मोहन भागवत, राज्यपाल आनन्दीबेन पटेल, मुख्य आचार्य गर्भगृहमा उपस्थित रहनेछन्। प्राणप्रतिष्ठाको समयमा पर्दा बन्द रहनेछ। सबैभन्दा पहिले भगवान रामलाई ऐना देखाइनेछl दल पूजाका लागि आचार्यको तीन टोली गठन गरिएको छ।

पहिलो टोलीको नेतृत्व स्वामी गोविन्द देव गिरीले गर्नेछन्। दोस्रो टोलीको नेतृत्व शंकराचार्य विजयेन्द्र सरस्वतीले गर्नेछन्। विजयेन्द्र सरस्वती कांची कामकोटी पिठका शंकराचार्य हुन्। काशीका २१ विद्वानलाई तेस्रो टोलीमा राखिएको छ। राम मन्दिरमा हुने प्राणप्रतिष्ठा कार्यक्रमको तयारी तिब्र रुपमा भइरहेको छ। प्राणप्रतिष्ठा समारोहमा ठूलो भीड अयोध्या पुग्ने अनुमान गरिएको छ र त्यसलाई मध्यनजर गर्दै सहरमा ठूलो मात्रामा काम भइरहेको छ। सीएम योगी लगातार तयारीको समीक्षा गरिरहेका छन्। कार्यक्रममा काशी विश्वगनाथ र वैष्णोदेवी मन्दिरका प्रमुखसहित करिब चार हजार सन्तलाई निमन्त्रणा गरिएको छ। हाल उक्त साइटमा ४ हजारभन्दा बढी व्यक्तिले विभिन्न काम पूरा गर्न विभिन्न सिफ्टमा काम गरिरहेका छन्। जसमध्ये चार सय कार्यकर्तालाई उद्घाटन समारोहमा बोलाइनेछ। राम मन्दिरमा प्राणप्रतिष्ठा समारोहका लागि बनाइएका तीन वटा मूर्तिमध्ये रामजन्मभूमि तीर्थ क्षेत्र कोषका सदस्यहरूले माघको पहिलो साता रामललाको मूर्ति छनोट गर्नेछन्। अभिषेक पूर्व शहरका प्रमुख सडकलाई पनि सूर्य स्तम्भले सजाइएको छ।