काेचबिहार: माथाभाङ्गा–१ नम्बर ब्लकको पचागढ ग्राम पञ्चायतको बाबुरटारी क्षेत्रमा कक्षा ८ का विद्यार्थीको झुण्डिएको अवस्थामा लाश भेटिएको घटनाले हलचल मच्चाएको छ। नाबालिग विद्यार्थी नतिजा लिन विद्यालय जाने तयारी गरिरहेको बताइएको छ। उनी लामो समयसम्म घरबाट बाहिर नआएपछि परिवारका सदस्यलाई शंका लागेको थियो। परिवारका सदस्य घरभित्र पसेपछि उनी झुण्डिएको अवस्थामा फेला परेका थिए। त्यसपछि परिवारका सदस्यले विद्यार्थीलाई तुरुन्तै उठाएर माथाभाङ्गा डिभिजन अस्पतालमा पुर्याएकामा चिकित्सकले उनलाई मृत घोषणा गरेका थिए। घटनाका कारण सम्पूर्ण क्षेत्रमा शोक छाएको छ। पुलिसले सम्पूर्ण घटनाको अनुसन्धान सुरु गरेको छ।