अलिपुरद्वारः लोकसभा चुनाव अघि तृणमूल चिया बगान मजदुर संघको तर्फबाट चिया बगान मजदुरहरूको लागि कार्यशाला आयोजना गरिएको थियो। कार्यशाला अलिपुरद्वार जिल्लाको कुमारग्राम ब्लकको न्यूल्याण्ड्स क्षेत्रमा आयोजना गरिएको थियो। यस कार्यशालामा जिल्लाको अलिपुरद्वार १, अलिपुरद्वार २ र कुमारग्राम ब्लकका प्रत्येक चिया बगानका १० जना मजदुरहरू उपस्थित थिए। कार्यशालामा श्रमिकहरूलाई राज्य सरकारका विभिन्न विकास कार्यहरूबारे जानकारी गराइएको थियो। सबैलाई वृक्षारोपण नियम बारे जानकारी समेत दिइएको थियो । कार्यक्रममा राज्यसभा सांसद तथा तृणमूल कांग्रेसका अलिपुरद्वार जिल्ला अध्यक्ष प्रकाश चिक बडाइक, तृणमूल मजदुर संघ अलिपुरद्वार जिल्ला अध्यक्ष विनोद मिञ्ज, अलिपुरद्वार जिल्ला अध्यक्ष गंगाप्रसाद शर्मा र तृणमूल मजदुर संघ राज्य अध्यक्ष रिताब्रत ब्यानर्जी पनि उपस्थित थिए।