सिलगढी: विविध मागहरुलाई उठान गरेर एआईएमएसएस संगठन सडकमा ओर्लिएको छ। संगठनका सदस्यहरूले आज सिलगढीको मित्र सम्मिलनी हल अघिबाट एउटा रैली निकालेर सहरको विभिन्न पथहरूको परिक्रमा गरे। संगठनका सदस्यहरूले मुख्यतः महिला उत्पीडन, हत्या, दुष्कर्म, महिला तथा नानीहरूको तस्करीको विरोध गर्दै आज एउटा रैली निकालेको बताइएको छ। यसको साथै दैनिक प्रयोजनीय समानहरूको मूल्य वृद्धि लगायत विविध माग उठाए।