कोलकाताः कोलकाता पुलिसले ती क्षेत्रहरूबारे स्पष्ट जानकारी प्राप्त गर्न शहरका विभिन्न पुलिस स्टेशनहरूको अधिकार क्षेत्र अन्तर्गत सबै क्षेत्रहरूको म्यापिङ गर्ने निर्णय लिएको छ, जहाँ साइबर अपराधको सम्भावना सबैभन्दा अधिक छ। शहर पुलिस सूत्रहरू अनुसार, अलग-अलग पुलिस स्टेशनहरूद्वारा आफ्नो अधिकार क्षेत्र अन्तर्गत पर्ने क्षेत्रहरूमा साइबर अपराधहरूमाथि पठाइएको रिपोर्टको आधारमा डेटा शहर पुलिस मुख्यालयमा संकलित गरिनेछ औं क्षेत्र अनुसार म्यापिङ गरिनेछ। सूत्रहरू अनुसार, व्यक्तिगत पकेट बाहेक म्यापिङमा साइबर अपराध बहुल पुलिस स्टेशनको पनि पहिचान गरिनेछ।
शहरका एक पुलिस अधिकारीले भने, एक पल्ट म्यापिङ भयो भने र साइबर अपराध बहुल क्षेत्रहरू र पुलिस स्टेशनहरूको पहिचान भएपछि ती क्षेत्रहरूमा हामीले व्यापक रूपमा जागरूकता अभियान चलाउनेछौं। जानकारी अनुसार, मध्य कोलकातामा शहर पुलिस मुख्यालयमा हालमा एउटा बैठकमा यस साइबर अपराध क्षेत्रको म्यापिङ गर्ने निर्णय लिइएको थियो, यसमा शहर पुलिस अन्तर्गत सबै डिवीजनहरूका प्रभारी पुलिस उपायुक्तहरूले भाग लिएका थिए। बैठकमा यो पनि निर्णय लिइयो कि शहर पुलिसको अधिकार क्षेत्र अन्तर्गत प्रत्येक पुलिस स्टेशऩको प्रभारी अधिकारीले शिकायत दर्ता भएको 24 घण्टाभित्र साइबर अपराधको कुनैपनि मामिलाको रिपोर्ट मुख्यालयलाई दिनुपर्नेछ।
यसबाट न केवल साइबर अपराध बहुल क्षेत्रहरूको पहिचान गर्नमा धेरै मद्दत मिल्नेछ तर शहरमा हुने साइबर अपराधको प्याटर्नको पनि पत्तो लाग्नेछ। हाम्रा शीर्ष अधिकारीहरूले साइबर अपराधहरूको यस बढ्दो खतराको सामना गर्न उच्च-स्तरीय प्रौद्योगिकीहरूको शुरूआतमाथि जोड दिइरहेका छन् र आफ्ना दक्ष अधिकारीहरूलाई त्यस अनुसार प्रशिक्षित गरिरहेका छन्, जहाँ निर्दोष मानिसहरू तीव्र गतिमा शिकार बनिरहेका छन्।
-हिस
About Author
