कोलकाताः भारतीय चिकित्सा अनुसन्धान परिषद (आईसीएमआर) ले कोलकाता र यसका वरिपरिका जिल्लाहरूमा नानीहरूमा एडिनो भाइरसको घातक संक्रमणको प्रसारलाई लिएर पश्चिम बंगाल स्वास्थ्य विभागलाई अलर्ट गरेको छ। यसलाई लिएर राज्य सरकारलाई एडवाइजरी जारी गरिएको छ। आईसीएमआरसित सम्बद्ध नेशनल इन्स्टीट्यूट अफ हैजा एण्ड एन्टरिक डिजीज (एनआईसीईडी) को वर्तमान निष्कर्षहरूको आधारमा जानकारी पाइएको छ। यो एडिनो भाइरसको निम्ति परीक्षण गरिएका तीन हजार ११५ व्यक्तिमध्ये कूल एक हजार २५७ को परीक्षण सकारात्मक रह्यो र घातक संक्रमण ४० व्यक्तिहरूमा थियो। यसमध्ये अधिकांश नानीहरू थिए।

राज्य स्वास्थ्य विभागका एक वरिष्ठ अधिकारीले अलर्ट पाएको पुष्टि गर्दै भने, कुनैपनि आपातकालीन स्थितिको सामना गर्न आवश्यक सावधानी अपनाइँदैछ। वित्तीय वर्ष २०२३ को शुरूआतमा पश्चिम बंगालमा एडिनो भाइरसले खतरनाक रूप लियो। राज्य स्वास्थ्य विभागको रेकर्ड अनुसार, दिसम्बर २०२२ को अन्तबीचको अवधिमा एडिनो भाइरस पोजिटिभ व्यक्तिहरूका १२ सय मामिला अघि आएका थिए र मार्च २०२३ को अन्तमा अधिकतर अधिकतर नानीहरू र त्यस अवधिमा यसले प्रभावित हुने कूल मृत्युको आंकड़ा १९ थियो।

यद्यपि, त्यस समय मृत्युको आंकड़ाहरूमा विवाद भएको थियो। डाक्टरहरूको संघले राज्य स्वास्थ्य विभागमाथि आंकड़ाहरू कम गरेर देखाएको आरोप लगाएको थियो। त्यस समय राज्य सरकारले एडिनो भाइरसले प्रभावित मानिसहरूको मामिलाहरूको निगरानी र उनीहरूको उपचार सुनिश्चित गर्न आठ सदस्यीय टास्क फोर्सको गठन गरेको छ।