जलपाइगढीः जलपाइगढीको उत्तरी सुकान्त नगर निवासी ३९ वर्षीय सोफिजुल मोहम्मद विगत केही दिनदेखि बेपत्ता थिए। लाटागढीको एक होटलमा पेन्टिङको काम गर्न गएका उनी त्यहाँबाट बेपत्ता भएका थिए । उनका आफन्त र परिवार उनको बारेमा धेरै चिन्तित छन्। पारिवारिक स्रोतका अनुसार जलपाइगढी कोतवाली थाना अन्तर्गत उत्तर सुकान्त पल्ली निवासी सोफिजुल मोहम्मद १९ दिसम्बरमा लाटागढीको एक निजी होटेलमा पेन्टिङको काम गर्न गएका थिए तर घर फर्किएनन्। धेरै खोजी पछि परिवारले गत २३ दिसम्बर क्रान्ति पुलिस थानामा उजुरी दिए पनि केही फेला परेन ।
बेपत्ता सपिजुलकी छोरी सदिपा खातुनले मेरो बुवा काममा गएर बेपत्ता भएको बताइन् । बुवाको खबर नआएपछि हामी निकै चिन्तित छौँ। यस सम्बन्धमा सपिजुलकी श्रीमतीले भनिन्, ‘मेरो परिवारमा मेरो श्रीमान् मात्र कमाउने व्यक्ति हुनुहुन्छ । परिवारमा दुई केटा र एक केटी छन् । हाम्रो परिवार निकै गरिब छ । हामी मेरो श्रीमान् जतिसक्दो चाँडो फर्कन चाहन्छौं। उहाँसँग कोही दयालु ब्यक्तिले सम्पर्क गरेमा हामीलाई मोबाइल नम्बर-8116346925 मा जानकारी दिनुहोला।