नयाँ दिल्ली: मोटिभेसनल स्पिकर विवेक बिन्द्रा विवादमा फसेका छन्। बिहे गरेको एक दुई दिन नबित्दै श्रीमतीले उनीमाथि कुटपिट गरेको आरोप लगाएकी छिन्। विवेक बिन्द्राले आफ्नी बहिनी यानिकामाथि कुटपिट गरेको उनको भाइले आरोप लगाएका छन्। नोएडामा दर्ता भएको एफआईआरमा बिन्द्रामाथि गम्भीर आरोप लगाइएको छ। जसमा विवेक बिन्द्रा र यानिकाको विवाह ६ दिसम्बर २०२३ मा भएको बताइएको छ। विवाहको आठ दिनपछि अर्थात् १४ दिसम्बरमा विवेक बिन्द्राविरुद्ध नोएडाको सेक्टर १२६ पुलिस स्टेशनमा एफआईआर दर्ता भएको थियो।

आरोपअनुसार बिन्द्राले आफ्नी श्रीमती यानिकालाई कुटपिट गरेका थिए। विवेक बिन्द्राका जेठु वैभव क्वात्राले दर्ता गराएको एफआईआरमा भनिएको छ, उनकी बहिनीको विवाह विवेक बिन्द्रासँग ६ दिसम्बर २०२३ मा ललित माननगर होटलमा भएको थियो। उनी सुपरनोवा वेस्ट रेसिडेन्सी, नोएडा सेक्टर ९४ मा बस्छन्। यससँगै बिन्द्राको एउटा भिडियो पनि सार्वजनिक भएको छ जसमा उनी आफ्नी श्रीमती यानिकासँग झगडा गरिरहेका छन्। विवेक बिन्द्राका जेठु वैभव क्वात्राले एफआईआरमा गत ७ दिसम्बरमा बिहान करिब ३ बजे विवेक बिन्द्रा आफ्नी आमासँग झगडा गरिरहेका थिए। जसमा यानिकाले हस्तक्षेप गरिन्। त्यसपछि विवेकले यानिकालाई कोठामा थुनेर दुर्व्यवहार गर्न थालेको आरोप छ। जसका कारण यानिकाको शरीरभरि चोट लागेको भनाइ छ। आरोपअनुसार त्यसबेलादेखि यानिका राम्रोसँग सुन्न नसक्ने र दिल्लीको कैलाश अस्पतालमा भर्ना भएकी छिन्। विवेक बिन्द्रा विरुद्ध १४ दिसम्बर २०२३ मा मुद्दा दर्ता गरिएको थियो। तर विवेक बिन्द्रा र सन्दीप महेश्वरीबीचको विवाद चर्चामा आएपछि यो कुरा बाहिर आएको हो। यी दुईबीचको विवाद सामाजिक संजालको हेडलाइनमा आएको थियो। पुलिसले विवेक बिन्द्राविरुद्ध आईपीसीको धारा ३२३, ५०४, ४२७ र ३२५ अन्तर्गत मुद्दा दर्ता गरेको छ। अहिले पुलिसले घटनाको अनुसन्धानमा गरिरहेको छ।