भारत र अष्ट्रेलियाको महिला टोलीबीच मुम्बईको वानखेडे स्टेडियममा एकदिवसीय टेस्ट खेल हुँदैछ। अष्ट्रेलियाको टोलीलाई २१९ रनमा अलआउट गरेपछि भारतीय टोलीले दोस्रो दिनको खेल सकिँदा आफ्नो पहिलो इनिङ्समा १५७ रनको अग्रता लिएको छ। दोस्रो दिनको खेल समाप्त हुँदा भारतले सात विकेटमा ३ सय ७६ रन बनाएको थियो। अहिले पूजा वस्त्रकार र दीप्ती शर्मा क्रिजमा छन्।

भारतको पहिलो इनिङ्स
शेफाली वर्मा ४० रन बनाएर आउट भइन् भने स्मृति मन्धाना ७४ रन बनाएर आउट भइन्। भने स्नेह राणाले ९ रन जोडिन। अष्ट्रेलियाका लागि एस्ले गार्डनर र जेस जोनासेनले एक एक विकेट लिए। यसपछि ऋचा घोष र जेमिमाहले चौथो विकेटका लागि ११३ रनको साझेदारी गरे। यो साझेदारी किम गर्थले तोडेका थिए। उनले ऋचालाई आउट गरे। ऋचा १०४ बलमा ७ चौकाको मद्दतले ५२ रन बनाएर आउट भइन्। योसँगै जेमिमाले पनि अर्धशतक पूरा गरिन्। कप्तान हरमनप्रीत कौर खाता नखोलेर प्याभिलियन फर्किइन् भने यास्तिका भाटियाले मात्र एक रन बनाउन सकेकी थिइन्। यसपछि जेमिमाह रोड्रिग्ज १२१ बलमा ९ चौकाको मद्दतले ७३ रन बनाएर आउट भइन्। उनलाई एस्ले गार्डनरले सदरल्याण्डको हातमा कैच आउट गरेका थिए। यसपछि दीप्ती र पूजाले फेरि आठौं विकेटका लागि १०२ रनको साझेदारी गरेका छन्। दीप्ती ७० रन र पूजा ३३ रन बनाएर क्रिजमा छिन्।

अस्ट्रेलियाको पहिलो इनिङ्स
यसअघि अस्ट्रेलियाको पहिलो इनिङ्स २१९ रनमा समेटिएको थियो। बेथ मुनीले ४० रन, ताहिला म्याकग्राले ५० रन र कप्तान एलिसा हिलीले ३८ रन जोडिन्। यसबाहेक किम गर्थले २८ रन बनाएर अविजित रहे। सदरल्याण्ड १६ रन, गार्डनर ११ रन, जोनासेन १९ रन बनाएर, लरेन चेटल ६ रन बनाएर र अलाना किङ ५ रन बनाएर आउट भए। फोबी लिचफिल्डले खाता खोल्न सकेनन् भने एलिस पेरी चार रन बनाएर आउट भएकी थिइन्। भारतका लागि पूजा वस्त्रकारले ४ विकेट लिएकी थिइन्। स्नेह राणाले तीन विकेट लिए। दिप्ती शर्माले दुई विकेट लिएकी थिइन्।