तानाशाह  हुन्छन् सबै शासकहरू

जाल मात्रै बुन्छन् सबै शासकहरू

सत्तामा हुञ्जेल अत्याचार गर्छन्

झरेपछि रुन्छन्  सबै शासकहरू

जुम्लाबाजीमा कसैले पनि सक्तैन

धोती मात्रै धुन्छन् सबै शासकहरू

जनसरोकारसित केही वास्ता हुन्न

झोलेहरुकै सुन्छन् सबै शासकहरु

गर्नुपर्ने खास काम गर्दैनन् उनीहरू

जाली मन्त्र गुन्छन् सबै शासकहरू

सत्ता सुखको मीठो स्वाद पाएपछि

गलत बाटो चुन्छन् सबै शासकहरू

सत्ताले  मात्तिएपछि  छुन सकिँदैन

आकाश नै छुन्छन् सबै शासकहरू

सत्य बोल्नेलाई देखी सहँदैनन् ती

बिना कसूर थुन्छन् सबै शासकहरूll