कोचबिहार: गोसानीमारी २ ग्राम पञ्चायतको मलिहाटदेखि कोडल धोयासम्म करिब साढे ६ किलोमिटर सडकको काम सुरु भएको छ। उत्तर बंगाल विकास मन्त्री उदयन गुहाले मंगलबार यो कामको उद्घाटन गरेका हुन्। यस कार्यको उद्घाटनमा विधायक जगदीश चन्द्र वर्मा बसुनिया, जिल्ला परिषद विद्युत अधिकारी नूर आलम हुसेन, पञ्चायत समिति अध्यक्ष ताप्ती राई, पञ्चायत समिति कृषि अधिकारी मतिउर रहमान, गोसानिमारी २ ग्राम पञ्चायत प्रधान फथिया रब्बाना, तृणमूल गोसानीमारी २ जोन अध्यक्ष केरामत अली उपस्थित थिए। सो अवसरमा बोल्दै उत्तर बङ्गाल विकास मन्त्रीले विकासका हिसाबले सिताई र दिनहटामा कुनै भिन्नता नभएको बताउनुभयो। आज सो कामको उद्घाटनका क्रममा उपस्थित सबैका अगाडि मन्त्रीले यस सडकले यस क्षेत्रका जनताको लामो समयदेखिको माग पूरा गर्ने र अब आवतजावतमा कुनै अवरोध नआउने बताए। यो सडकमा करिब साढे सात करोड रुपियाँ खर्च भइरहेको छ। चालु आर्थिक वर्षको अप्रेल महिनाभित्रै यो काम सम्पन्न गर्न उनले उत्तर बङ्गाल विकास विभागका इन्जिनियर र यस सडकका लागि प्रशंसापत्र प्राप्त गर्नेहरूसँग सहयोग मागेका छन्।