मुम्बई: बलिवुडका अभिनेता शाहरुख खानकी पत्नी गौरी खान पनि लगानीकर्ता र ब्यांकबाट ३० करोड रुपियाँभन्दा बढी हिनामिना गर्ने घर जग्गा कम्पनी तुलसियानी समूहको अनुसन्धानको घेरामा परेकी छिन्। गौरीलाई ईडीले छिट्टै समन पठाउन सक्ने समाचार छ। अनुसन्धान एजेन्सीले गौरीलाई नोटिस पठाउने तयारी गरिरहेको छ। वास्तवमा तुलसियानी ग्रुपले गौरी खानलाई कम्पनीको ब्राण्ड एम्बेसडर बनाएको थियो। गौरीलाई तुलसियानी समूहविरुद्ध ठगी मुद्दामा पनि अभियुक्त बनाइएको थियो। ईडीका अधिकारीहरूले गौरी खानलाई ब्राण्ड एम्बेसडर बनाउन तुलसियानी समूहले कति पैसा तिरेको थियो, र त्यसका लागि कुनै सम्झौता थियो कि थिएन भनेर पत्ता लगाउने प्रयास गरिरहेका छन्। यस मामिलामा यसअघि फरवरी महिनामा मुम्बई निवासी किरीट जसवन्त शाहले तुलसियानी समूहका निर्देशक अनिल कुमार तुलसियानी, महेश तुलसियानी र गौरी खानविरुद्ध राजधानीको सुशान्त गल्फ सिटी पुलिस थानामा मुद्दा दायर गरेका थिए।