नयाँ दिल्ली: विपक्षी दलका सांसदलाई निलम्बन गरेको विरोधमा विपक्षीले सरकारविरुद्ध हमला गरिरहेको छ। विपक्षी सांसदहरुले संसद परिसरमा रहेको महात्मा गान्धीको शालिग नजिकै उभिएर सरकारविरुद्ध नाराबाजी गरे। लोकसभामा विपक्षी सांसदहरुको निलम्बन मंगलबार पनि जारी रह्यो। बसपाका सांसद श्याम सिंह यादवले भने, ‘भारतको लोकतान्त्रिक इतिहासमा यति ठूलो संख्यामा सांसद निलम्बित भएको घटना होइन। यसले सत्तारुढ दल निकै अहंकारी भएको देखाउँछ। ऊ सत्ताको लोभमा परेको छ, र आफ्नो सबै विवेक गुमाएको छl’

प्रतिपक्षको विरोधका कारण राज्यसभाको बैठक दिउँसो ३ बजेसम्मका लागि स्थगित गरिएको छ। यसैबीच कांग्रेस सांसद मनिष तिवारीले भने, ‘संसद पूर्णतया अवैधानिक बनाइएको छ। यो सबैभन्दा कडा कानून संसदबाट पारित गर्ने योजना बनाइएको छl’ कांग्रेस अध्यक्ष मल्लिकार्जुन खड्गेले विपक्षी सांसदहरूको निलम्बनलाई लिएर भाजपामाथि कडा हमला गरे र यो लोकतन्त्रको लागि राम्रो नभएको बताए। उनले भने, ‘यो लोकतन्त्रका लागि राम्रो होइन, संसदको अपमान हो। उनले हामीलाई तर्साउन सांसदहरूलाई निलम्बन गर्दैछन्। तर प्रधानमन्त्री र गृहमन्त्री संसदमा आउन चाहँदैनन्। उनले वाराणसी र अहमदाबादबाट भाषण दिइरहेका छन्l’

मंगलबार लोकसभाबाट निलम्बित कांग्रेस सांसद शशि थरुरले भने, ‘यो स्पष्ट छ, उनी विपक्षी मुक्त लोकसभा चाहन्छन् र उनले राज्यसभामा पनि त्यस्तै गर्नेछन्। दुर्भाग्यवश हामीले भारतको लोकतान्त्रिक संसदमा श्रद्धाञ्जली लेख्न थाल्नुपर्छ। आज हामीले हाम्रा सहकर्मीहरूसँग ऐक्यबद्धता जनाउँदै विरोध प्रदर्शन गर्‍यौं र त्यहाँ उपस्थित सबैलाई हिउँदे अधिवेशनको लागि स्थगित गरियो। यसको अर्थ उनी बिना चर्चा नै विधेयक पारित गराउन चाहन्छन्। यो संसदीय लोकतन्त्रमा धोका होl’ लोकसभाबाट आफ्नो निलम्बनमा आम आदमी पार्टीका सांसद सुशील कुमार रिंकुले भने, ‘सत्य बोल्ने र प्रश्न सोध्नेहरूलाई आज सदनबाट निलम्बन गरिएको छ। संसदमा कस्तो फोहोरी राजनीति भइरहेको छ जनताले देखिरहेका छन्l’

संसदीय मामिलामन्त्री प्रह्लाद जोशीले संसदमा प्लेकार्ड ल्याइदिन्ने निर्णय भइसकेको तर चुनाव हारेपछि अधीर भएर यस्तो कदम चालेको बताए।  उनले भने, ‘त्यसैले हामीले (विपक्षी सांसदलाई निलम्बन गर्ने) प्रस्ताव ल्याउनुपर्छl’ मंगलबार विपक्षी दलका थप केही सांसदलाई संसदबाट निलम्बन गरिएको छl’ मंगलबार निलम्बित सांसदहरूमा शशि थरुर, डिम्पल यादव, मनिष तिवारी, सुप्रिया सुले र दानिश अली आदिको नाम समावेश छ। केन्द्रीय कानूनमन्त्री अर्जुन राम मेघवालले विपक्षी सांसदहरूलाई निलम्बन गर्ने प्रस्ताव लोकसभामा पेश गरेका छन्। यस प्रस्तावमा मोहम्मद फैसल, कार्ती चिदम्बरम, सुदीप बन्धोपाध्यायलगायत ४९ सांसदको नाम समावेश छ। अहिलेसम्म दुवै सदनबाट १४१ विपक्षी सांसद निलम्बनमा परेका छन्। विपक्षी दलको नाराबाजीका कारण लोकसभाको बैठक दिउँसो २ बजेसम्मका लागि स्थगित भएको छ।