इटालीका प्रधानमन्त्री जर्जिया मेलोनीले इस्लामिक संस्कृतिका लागि युरोपमा कुनै ठाउँ नभएको बताइन्। उनले इस्लामिक संस्कृति र आफ्नो सभ्यताको मूल्यमान्यता र अधिकारबीच कुनै समानता नभएको र यो ठूलो समस्या भएको बताइन्। उनले भनिन्, ‘साउदी अरबले इटालीमा इस्लामिक सांस्कृतिक केन्द्रहरूलाई आर्थिक सहयोग गर्छ, जहाँ शरिया लागू हुन्छ। हाम्रो सभ्यताको मूल्यभन्दा टाढा युरोपमा इस्लामीकरणको प्रक्रिया चलिरहेको छl’ इटालीका प्रधानमन्त्रीले रोममा आफ्नो अति दक्षिणपन्थी पार्टी ब्रदर्स अफ इटालीले आयोजना गरेको महोत्सव आयोजना गरेपछि यस्तो टिप्पणी गरेकी हुन्। राष्ट्रिय समाचारका अनुसार यस कार्यक्रममा इंग्ल्याण्डका प्रधानमन्त्री ऋषि सुनक पनि सहभागी थिए। यस क्रममा सुनकले आफ्नो मन्तव्यमा शरणार्थी प्रणालीमा विश्वव्यापी सुधारका लागि आफूले जोड दिने बताए। उनले शरणार्थीहरूको संख्या बढ्दै गएकोले युरोपका केही भागहरूलाई असर गर्नसक्ने चेतावनी पनि दिए। शत्रुले जानाजानी हाम्रो समाजलाई अस्थिर बनाउन खोजेको र त्यसका लागि जनतालाई आफ्नो किनारमा ल्याइने गरेको उनले बताए। ‘यदि हामीले यो समस्यालाई सम्बोधन गरेनौं भने, यो संख्या अझै बढ्नेछ। यसले हाम्रा मानिसहरूलाई मद्दत गर्ने हाम्रो क्षमतालाई असर गर्नेछ’, उनले थप भने, ‘यदि यसका लागि हामीलाई हाम्रा कानूनहरू अद्यावधिक गर्न आवश्यक छ भने, हामीले तिनीहरूलाई अपडेट गर्नुपर्छl’