कोलकाताः पश्चिम बंगालका वरिष्ठ भाजपा विधायक एवं नेता प्रतिपक्ष शुभेन्दु अधिकारीको सुरक्षालाई लिएर कलकत्ता हाईकोर्टले राज्य सरकारबाट रिपोर्ट मागेको छ। शुक्रवार पश्चिम बंगाल सरकारका एक अधिकारीले भने, आगामी साल फरवरीसम्म अधिकारीको सुरक्षा व्यवस्थामाथि कलकत्ता उच्च न्यायालयलाई एक विस्तृत रिपोर्ट सुम्पिनेछ। कलकत्ता उच्च न्यायालयको एकल-न्यायाधीश जय सेनगुप्ताको एक आदेशपछि सरकारले यसको तयारी शुरू गरेको छ। विपक्षका नेता कुन प्रकारको सुरक्षाको अधिकारी हुन् र अहिले उनलाई कुन प्रकारको सुरक्षा उपलब्ध गराइएको छ यसमाथि हाईकोर्टले राज्य सरकारलाई एक विस्तृत रिपोर्ट प्रस्तुत गर्ने निर्देश दिएको छ।

न्यायमूर्ति सेनगुप्ताले राज्य सरकारलाई रिपोर्ट सुम्पिनुको निम्ति आगामी साल ०५ फरवरीको समय सीमा पनि तय गरेको छ। कलकत्ता उच्च न्यायालयको एकल-न्यायाधीश पीठले अधिकारीद्वारा दर्ता एक मामिलामा आदेश पारित गऱ्यो, जसमा राज्य सरकारमाथि सुरक्षा व्यवस्थामा कमीहरूको आरोप लगाइएको थियो, जसको उनी हकदार हुन्। उनका उकीलले जेड-श्रेणीको सुरक्षा मामिलामा पायलट कार रूट-लाइनिङका प्रावधानहरूको प्रक्रियाहरू, जसको उनी हकदार हुन् त्यसको प्रायः जसो सख्तीले पालन नगरिएको शिकायत गरेका थिए।

-हिस