मुम्बई: ७८ वर्षीय आयुमा आज अभिनेता रवीन्द्र बेर्डेकाे निधन भयो। गत केही महिनादेखि उनको क्यान्सरको उपचार चलिरहेको थियो। गलाको क्यान्सरको कारण उनलाई मुम्बईको टाटा अस्पतालमा भर्ती गराइएको थियो।
नियमित उपचारपछि दुई दिनअघि उनलाई घर ल्याइएको थियो। हृदयघात भएको कारण घरमै उनको मृत्यु भयो। रवीन्द्र बेर्डेको परिवारमा पत्नी, दुई सन्तान, बुहारी र नाता-नातिनीहरू छन्। प्रसिद्ध मराठी अभिनेता लक्ष्मीकान्त बेर्डे उनको कान्छा भाई हुन्। लक्ष्मीकान्त र रवीन्द्र बेर्डेले धेरै फिल्महरूमा एकसाथ काम पनि गरेका छन्।
उनले आफ्नो फिल्मी करियरमा ३०९ भन्दा धेरै मराठी फिल्महरूमा काम गरे। उनी थियेटरसित पनि जोड़िरहे। दिग्गज अभिनेता रवीन्द्रको निधनले पूरा मनोरञ्जन जगतमा शोकको लहर छ।
About Author
Post Views: 107