म्याड्रिड: गर्मीमा पनि मौसम चिसो हुने गरेको युरोपमा अहिले गर्मीको लहर चलिरहेको छ। जङ्गलमा आगलागीका कारण ठूलो मात्रामा क्षति भएको खबर पनि आएको छ। अहिले आगलागीबाट भएको क्षतिको स्याटेलाइट तस्वीर बाहिर आइरहेको छ। यी तस्वीरहरूमा पश्चिमी यूरोपमा आगलागीका कारण ठूलो जङ्गल जलेको देख्न सकिन्छ। यी तस्वीरहरू युरोपेली अन्तरिक्ष एजेन्सीको कोपर्निकस सेन्टिनेल-३ उपग्रहले खिचेका हुन्।

हाम्रो ग्रहको महासागर, जमिन, बरफ र वायुमण्डल नाप्न यो उपग्रह पृथ्वीबाट ८१४.५ किलोमिटर माथि छ। तस्वीरहरू फ्रान्सको दक्षिणी गिरोन्डे क्षेत्रमा खिचिएका हुन्। तस्वीरमा धुवाँ र जलिरहेको धरती देखिन्छ। जमिनमा रहेका यी कालो धब्बाहरूले गर्मीको लहरका कारण भएको आगलागीबाट भएको क्षतिको कथा सुनाइरहेका छन्। एजेन्सीले १७ जुलाईसम्म दक्षिणी फ्रान्स, स्पेन र उत्तरी अफ्रिकामा जमिनको तापक्रम देखाउने तापम्याप जारी गर्‍यो, जसअनुसार केही ठाउँमा जमिनको सतह ५५ डिग्री सेल्सियस पुगेको थियो।

एजेन्सीका अनुसार मौसम पूर्वानुमानका लागि हरेक दिन हावाको तापक्रम जारी गरिन्छ। यसले जमिनमा उड्ने हावा कति तातो छ भनेर देखाउँछ। यद्यपि, जमिनको सतहले छोएपछि जमिन वास्तवमा कत्तिको तातो हुन्छ भन्ने कुराको अनुमान दिन्छ। एजेन्सीका अनुसार वैज्ञानिकहरूले जमिनको सतहको तापलाई निगरानी गर्छन्, किनभने तिनीहरूबाट निस्कने तापले मौसम र जलवायु ढाँचामा परिवर्तन गर्दछ।