५६१ करोड़ रुपियाँ खर्च गरिने

नयाँ दिल्ली: चक्रवाती तूफान मिचौङ्गको कारणले चेन्नईमा बाढ़ी जस्तै अवस्था सृजना भएको छ। यसलाई मध्यनजर गर्दै केन्द्र सरकारले चेन्नईको लागि देशको पहिलो बाढ़ी प्रबन्धन योजनालाई स्वीकृति दिएको छ।

यसमा ५६१.२९ करोड़ रुपियाँ खर्च गरिनेछ जसमध्ये ५०० करोड़ रुपियाँ केन्द्र सरकारले दिनेछ।

गृहमन्त्री अमित शाहले बिहीवार सोशल मीडिया प्लेटफर्म एक्समा बताए, अघि आएर समस्याहरूको समाधान गर्ने प्रधानमन्त्रीको अप्रोज अन्तर्गत योजनालाई स्वीकृति दिइएको छ। राष्ट्रिय आपदा शमन कोष (एनडीएमएफ) अन्तर्गत चेन्नई बेसिन परियोजनाको लागि एकीकृत शहरी बाढ़ प्रबन्धन गतिविधिहरू सञ्चालन गरिनेछ।

शाहले लेखे, चेन्नईले भीषण बाढ़ीको सामना गरिरहेको छ। बितेको आठ वर्षको अन्तरालमा यो तेस्रो बाढ़ी हो। महानगरीय शहरहरूमा अत्यधिक वर्षा भएको कारणले अचानक बाढ़ी आउने घटनाहरू बढ़िरहेका छन्। यो शमन परियोजनाले चेन्नईलाई बाढ़ी प्रतिरोधी बनाउनमा सहयोग गर्नेछ। यो शहरी बाढ़ी शमन प्रयासहरूको श्रृङ्खलामा पहिलो हो जसले शहरी बाढ़ प्रबन्धनको लागि एक व्यापक ढाँचा विकसित गर्नमा मद्दत गर्नेछ।