नयाँ दिल्ली: डायमलर ट्रक एजी (‘डायमलर ट्रक’’)को पूर्ण अधिग्रहीत सब्सिडियरी, डायमलर इण्डिया कमर्शियल व्हिक्लस प्राईभेट लिमिटेड (डीआईसीभी) को पूर्ण अधिग्रहण गरिएको सहायक कम्पनीले भरतबेन्जको बिक्री र सेवा संजालमा आफ्ना प्राविधिक कर्मचारीहरूको क्षमता र दक्षता अभिवृद्धि गर्ने योजनाको घोषणा गरेको एक प्रेस विज्ञप्तिमा बताएको छ।

डीआईसीभीले आफ्ना डिलर साझेदारहरू धिङ्ग्रा ट्रकिङ र अटोबान ट्रकिङसँगको सहकार्यमा दुईवटा नयाँ भारतबेन्ज क्षेत्रीय प्रशिक्षण केन्द्रहरू (आरटीसीहरू) खोल्ने घोषणा गरेको छ, एउटा धरुहेरा (हरियाणा) र अर्को पुणे (महाराष्ट्र) मा। यी बाहेक, दुई आरटीसीहरू चेन्नई र ओडिशामा पहिले नै कार्यरत छन्। भारतबेन्ज क्षेत्रीय प्रशिक्षण केन्द्रहरू प्रत्येक वर्ष भरतबेन्ज नेटवर्कमा ३५ सय भन्दा बढी चालक, बिक्री र सेवा कर्मचारीहरूको क्षमता र सीप वृद्धि गर्न स्थापना गरिएको छ। डोमेस्टिक सेल्स एण्ड कस्टम सर्भिस, डायमलर इण्डिया कमर्शियल भेइकल्स लिमिटेडका अध्यक्ष तथा प्रमुख व्यवसाय अधिकारी श्रीराम वेंकटेश्वरनले भने, ‘भारतबेन्ज क्षेत्रीय तालिम केन्द्रहरू हाम्रो आधिकारिक डिलरशिप र सेवा केन्द्रहरू नजिक रहेका स्थानहरूमा उद्घाटन गरिएको छ। विगत चार वर्षमा हामीले लगभग १५ हजार भारतबेन्ज प्राविधिक, सेल्स स्टाफ र चालकहरूलाई तालिम दिएका छौंl’

धरुहेरामा धिङ्ग्रा ट्रकिङसँगको सहकार्यमा आरटीसी ६,६०० वर्ग फिट क्षेत्रफलमा फैलिएको छ, र पुणेमा रहेको अटोबन ट्रकिङ केन्द्र ७,८०० वर्ग फिटमा फैलिएको छ। यी दुवै सुविधामा एकैसाथ ६० जना प्रशिक्षार्थीलाई तालिम दिन सकिन्छ। त्यहाँ समर्पित ट्रेनरहरू, ५०० भन्दा बढी उपकरणहरू, १० ट्रक र बस एग्रीगेटहरू सहित दुई बीएस६ गाडीहरू छन्। यस सम्पूर्ण प्रणाली मार्फत डीआईसीभी सवारीसाधन र तिनका पार्टपुर्जाहरूको पूर्ण ज्ञान प्राप्त गरी उत्कृष्ट प्राविधिक तालिम प्रदान गरिन्छ। भारतबेन्ज राष्ट्रिय कौशल प्रतियोगिता २०२३ ले उद्योगमा नयाँ बेन्चमार्कहरू सेट गर्दै ७५० भन्दा बढी सेल्स एक्जिक्युटिभहरू र २६५० भन्दा बढी सेवा कार्यकारीहरू मिलेर ३४०० भन्दा बढी प्रतियोगीहरूद्वारा ९९ प्रतिशतको सहभागिता दर रेकर्ड गरेको छ। श्रीराम वेंकटेश्वरनले थपे, ‘एकतर्फ हामी हाम्रा कर्मचारीहरूलाई क्षेत्रीय प्रशिक्षण केन्द्रहरूमा तालिम दिन्छौं, अर्कोतर्फ हाम्रो भारतबेन्ज राष्ट्रिय सीप प्रतियोगिताले उनीहरूलाई आफ्ना कमजोरीहरू हटाउन र काममा उत्कृष्टता ल्याउन मद्दत गर्छl’