देशमा हरेक वर्ष लाखौं उम्मेद्वारहरू विभिन्न बोर्ड परीक्षाहरू, शीर्ष शैक्षिक संस्थाहरूमा प्रवेशका लागि प्रवेश परीक्षा, सरकारी नोकरीहरूको लागि प्रतिस्पर्धात्मक परीक्षामा सहभागी हुन्छन्। यस्तो अवस्थामा, परीक्षाको लागि उचित तयारी धेरै महत्त्वपूर्ण छ। परीक्षाको तयारीका लागि केही सजिलो टिप्सहरू अपनाएर प्रतिस्पर्धात्मक परीक्षामा सफलता हासिल गर्न सकिन्छ। उम्मेदवारहरूले यी पाँच सजिलो सुझावहरू पालना गरेर प्रतिस्पर्धात्मक परीक्षाहरूमा सफलता हासिल गर्न सक्छन्।

सबै भन्दा पहिले हामीले राम्रो योजना र समय तालिका बनाउनु पर्छ। समय तालिका सधैं आफ्नो अध्ययनको पाठ्यक्रम र खानपिनको दिनचर्या अनुसार बनाउनुपर्छ। समय तालिकालाई सधैं सरल बनाउनुपर्छ ताकि यसलाई सजिलैसँग ह्यान्डल गर्न सकिन्छ। तर नियमित रूपमा दिनचर्या पालना र यसलाई जारी राख्न धेरै महत्त्वपूर्ण छ। परीक्षाको तयारीका लागि विद्यार्थीले सबै किताब किन्छन्। यस्तो अवस्थामा पहिले कुन विषय छान्ने भन्ने अन्योल हुन्छ। तयसको लागि, सबैभन्दा पहिले धेरै गाह्रो लाग्ने विषयको पुस्तक लिनुपर्छ र त्यसको सानो नोट तयार गर्नुपर्छ। परीक्षाको समयमा कुनै पनि प्रकारको अध्ययनमा हतार गर्नु हुँदैन र शान्त दिमागले परिमार्जन गर्नुपर्छ। अध्ययन गर्ने बानीको विकास गर्नुहोस् र समय तालिका अनुसार अनुशासनका साथ अध्ययन गर्नुपर्छ। पढाइलाई बोझ बनाउनु हुँदैन। त्यसैले, खुशी साथ् अध्ययन गर्नुपर्छ। विद्यार्थीले ५० मिनेट अध्ययन गरेपछि १० मिनेट र २५ मिनेट अध्ययन गरेपछि पाँच मिनेटको ब्रेक लिन सक्छन्। फेसबुक, इन्स्टाग्राम, ट्विटर र अनलाइन गेमिङ जस्ता सामाजिक संजालहरू जस्ता समय-उपभोग गर्ने प्रलोभनहरूबाट टाढा रहनुपर्छ। जसले विद्यार्थीलाई अन्योलमा पार्नसक्छ। ओछ्यानमा अध्ययन गर्नुको सट्टा टेबुल र चौकीमा बसेर अध्ययन गर्नुपर्छ। पुस्तकालयमा पनि अध्ययन गर्न सकिन्छ। यसले आफ्नो ध्यान पढाइमा रहनेछ। नक्कली परीक्षा दिँदा विद्यार्थीहरूको अध्ययन क्षमतामा सुधार हुन्छ। अघिल्लो वर्षको परीक्षा पत्रहरू समाधान गर्नुपर्छ। परीक्षाको लागि योजना बनाउनुपर्छ र तदनुसार अध्ययन गर्नुपर्छ। लेखन अभ्यास पनि गर्नुपर्छ। परीक्षादेखि नोकरीको अन्तर्वार्ता र रिपोर्ट लेखनसम्म सबै कुरामा सुन्दर हस्तलेखनले आफ्नो प्रतिभा र व्यक्तित्वको प्रतिनिधित्व गर्दछ।