कोलकाताः कोलकाताको ईएसआई अस्पतालका अधिकारीहरूले प्रवर्तन निदेशालय (ईडी) लाई पश्चिम बंगालमा स्कूलमा नोकरीको साटो क्याशको मामिलामा मुख्य आरोपित सुजय कृष्ण भद्र उर्फ कालीघाट काकूको मेडिकल जॉंचको निम्ति एउटा बोर्ड बनाउने प्रक्रिया चलिरहेको बताएको छ। मेडिकल बोर्डमा न्यूरोलजिस्ट हुने छैन, केवल ह्रदय रोग विशेषज्ञ र ईएनटी विशेषज्ञ हुनेछन्।

यस अघि ईएसआई अधिकारीहरूले जॉंच एजेन्सीलाई न्यूरोलजिस्टको कमीका कारण मेडिकल बोर्डको गठन हुन नसकेको बताएका थिए। एकपल्ट जब मेडिकल बोर्डले भद्रलाई भोइस टेस्टको निम्ति फिट घोषित गरेपछि एक फोरेन्सिक विशेषज्ञ, एक सामान्य चिकित्सक र एक स्वतन्त्र साक्षीको उपस्थितिमा आयोजित गरिने छ।

सूत्रहरू अनुसार, कोलकाताको विशेष अदालतद्वारा न्यूरोलजिस्ट बिना मेडिकल बोर्डको गठनलाई स्वीकृति दिएपछि यसको गठन सम्बन्धित जटिलताहरू हटेका छन्। अगस्तमा आफ्नो बाइपास सर्जरीपछि भद्र वर्तमानमा कोलकाताको सरकारी एसएसकेएम मेडिकल कलेज र अस्पतालमा भर्ती छन्।

ईडी अधिकारीहरूले बारम्बार अस्पताल अधिकारीहरूमाथि काकूको आवाजको नमूना परीक्षण गर्न असहयोग गरिरहेको आरोप लगाएका छन्। ३१ दिसम्बरसम्म मामिलाको जॉंच समाप्त गर्न कोलकाता उच्च न्यायालयको निर्देशपछि परीक्षण अनिवार्य बनेको छ।

-हिस