नयाँ दिल्ली: देशका प्रथम राष्ट्रपति डा. राजेन्द्र प्रसादलाई आइतवार कृतज्ञ राष्ट्रले उनको १३९औं जयन्तीमा स्मरण गरेको छ। राष्ट्रपति द्रौपदी मुर्मूले राष्ट्रपति भवनमा रहेको डा. राजेन्द्र प्रसादको चित्रमा पुष्पाञ्जलि अर्पण गरी उनलाई नमन गरिन्।

प्रधानमन्त्री नरेन्द्र मोदीले प्रथम राष्ट्रपति डा. राजेन्द्र प्रसादको जयन्तीको उपलक्ष्यमा उनलाई नमन गरे। उनले एक्समा लेखेका छन्- ‘हाम्रो इतिहासका महत्वपूर्ण क्षणहरूमा डा. राजेन्द्र प्रसादको गहन बुद्धिमत्ता औ दृढ़ नेतृत्व अत्यन्त गर्वको विषय हो। लोकतन्त्र तथा एकताको विजेताको रूपमा उनले गरेका प्रयास आगामी पिँढ़ीहरूसम्म गुञ्जिरहनेछ। उनको जयन्तीमा उनलाई शत-शत नमन।’

यस अतिरिक्त भारतीय जनता पार्टी (भाजपा)-ले पनि प्रथम राष्ट्रपति औ संविधान सभाका अध्यक्ष ‘भारत रत्न’ डा. राजेन्द्र प्रसादलाई उनको जयन्तीमा स्मरण गर्दै नमन गरेको छ।