कोलकाताः कलकत्ता उच्च न्यायालयले शुक्रवार पश्चिम बंगाल स्कूल भर्ती घोटाला मामिलामा समानान्तर जॉंचमा केन्द्रिय जॉंच ब्यूरो (सीबीआई) र प्रवर्तन निदेशालय (ईडी) बिच समन्वयमा कमीमाथि असन्तुष्टि व्यक्त गरेको छ। न्यायमूर्ति अभिजीत गांगुलीको एकल पीठले आफ्नो पहिलो निर्देशको स्मरण गराउॅंदै दुवै केन्द्रिय एजेन्सीहरूलाई एकअर्कासॅंग परामर्श गरेपछि सम्बन्धित आरोप पत्र तयार गर्न लगाएको अवगत गराए।

न्यायमूर्ति गांगुलीले भने, समन्वयको कमीका कारण मामिलाका सबै आरोपितहरूको नाम आरोप पत्रमा थिएन। यस मामिलाको जॉंचको परिणाम पनि सारदा चिट फण्ड मामिला जस्तो नहोस्, जहॉं १० सालमा पनि जॉंच पूरा भएको छैन। उनले एजेन्सीहरूलाई तत्काल आपसमा समन्वय बनाउने निर्देश दिए। उनले दुवै एजेन्सीहरूलाई २१ दिसम्बरमा मामिलाको अर्को सुनवाई गरिने बताउॅंदै समन्वयको अपडेटको बारेमा सूचित गर्न निर्देश दिए।

उनले स्मरण गराउॅंदै उचित आरोप पत्र तय नगरेसम्म मुद्दाको प्रक्रिया शुरू गर्न सम्भव नरहेको बताए। न्यायमूर्तिले भने, म चाहन्छु मुद्दाको प्रक्रिया चॉंडो शुरू होस।

-हिस