नयाँ दिल्ली: प्रधानमन्त्री नरेन्द्र मोदीले शुक्रवार कप-२८ को विश्व जलवायु कारबाही शिखर सम्मेलनमा संयुक्त अरब अमीरात (यूएई)-का राष्ट्रपति मोहम्मद बिन जायद अल नाहयान र संयुक्त राष्ट्र (यूएन)- का महासचिव एन्टोनियो गुटेरेस सहित अनेकौं वैश्विक नेताहरूसित भेट गरे।
प्रधानमन्त्री मोदीले एक्समा तस्वीर साझा गर्दै लेखे, “वैश्विक जलवायु कारबाहीको लागि एक महत्वपूर्ण मञ्च, कप-28 शिखर सम्मेलनमा सामेल हुन पाउँदा खुसी लाग्यो। स्थायी भविष्यको लागि सार्थक सम्वाद र सहयोगमा सामेल हुनका लागि उत्सुक छु।” उनले भने, म उत्साहपूर्वक गरिएको स्वागतको लागि आफ्नो भाइ मोहम्मद बिन जायद र संयुक्त राष्ट्र महासचिव एन्टोनियो गुटेरसलाई धन्यवाद दिन्छु।
यस अतिरिक्त प्रधानमन्त्रीले जोर्डनका राजा अब्दुल्ला द्वितीय, उज़्बेकिस्तान गणराज्यका राष्ट्रपति शौकत मिर्ज़ियोयेव, ताजिकिस्तानका राष्ट्रपति इमोमाली रहमोन, संयुक्त अरब अमीरातका उपराष्ट्रपति शेख मोहम्मद बिन राशिद अल मकतूम र नीदरल्याण्डका प्रधानमन्त्री मार्क रूटेसित पनि भेट गरे।
मोदीले एक्समा लेखे, “कप-२८ मा जोर्डनका महामहिम राजा अब्दुल्ला द्वितीयसित भेटेर खुसी लाग्यो। हाम्रो चर्चा समृद्ध थियो र हाम्रो देशको गहिरो मित्रतालाई प्रतिबिम्बित गर्थ्यो। आफ्नो सम्बन्धलाई अझ मजबुत बनाउनको लागि तत्पर छु।'”
उनले अर्को पोस्टमा लेखे, “दुबईमा कप-२८ को अवसरमा उज़्बेकिस्तानका राष्ट्रपति शौकत मिर्ज़ियोयेव र ताजिकिस्तानका राष्ट्रपति इमोमाली रहमोनसित सार्थक बातचित।”
About Author
